Iòssif Stàlin : Diferéncia entre lei versions
Contengut suprimit Contengut apondut
Linha 144 :
==== La preparacion marrida de la guèrra ====
[[Diplomacia|Diplomaticament]], avans [[1938]], Stàlin assaièt de mantenir un raprochament estrategic ambé lei [[democracia]]s occidentalas per tenir la menaça de l'[[Alemanha]] [[Nazisme|nazi]]. Pasmens, après lo refús francobritanic de signar un acòrd militar e economic e, sustot, après l'abandon de [[Checoslovaquia]], Stàlin decidèt de venir neutre e de ganhar de temps. Per aquò, acceptèt de negociar ambé [[Adolf Hitler|Hitler]] un partiment de l'[[Euròpa Orientala]]. Aquò li permetiá de renfòrçar sei defensas frontalieras ambé l'annexion de territòris suplementaris e d'estendre l'influéncia sovietica. La signatura dau pacte germanosovietic d'aost de [[1939]] foguèt la basa d'aquela politica.
Premier, l'[[URSS]] participèt a l'invasion de [[Polonha]] en setembre de [[1939]] e ne recebèt la mitat orientala. Puei, entre lo 28 de setembre e lo 10 d'octòbre, Stàlin impausèt la signatura de tractats d'assisténcia ai tres país baltics que permetián d'estacionar de [[garnison]]s sovieticas sus son territòri. Pasmens, aquò èra solament una etapa e dins lo corrent de junh de [[1940]], [[Moscòu]] annexèt dirèctament [[Estònia]], [[Letònia]] e [[Lituània]] e ne faguèt de republicas constitutivas de l'[[URSS|Union Sovietica]]. Dins lo corrent dau meteis mes, annexèt [[Bessarabia]] après un ultimatum mandat a [[Romania]].
En revènge, leis exigéncias mandadas au govèrn [[Finlàndia|finlandés]] (cession de basas militaras e de territòris a l'entorn de [[Leningrad]]) foguèt pus malaisadas d'obtenir. Après un refús, l'armada sovietica ataquèt [[Finlàndia]] ([[Guèrra d'Ivèrn]]). Pasmens, mau comandada e mau preparada, perdiguèt plusors centenaus de miliers d'òmes e deguèt luchar dau 30 de novembre de [[1939]] au 13 de març de [[1940]]. Aquela guèrra saunosa donèt una opinion negativa dei capacitats de l'Armada Roja a la màger part deis expèrts militaras.
D'efèct, durant lei purgas de [[1936]]-[[1938]], Stàlin aviá eliminat la quasi totalitat dei [[generau]]s e la màger part dau còrs deis [[oficièr|oficiers]]. Pasmens, aqueleis expèrts notèron pas lei succès dei tropas sovieticas durant lei combats frontaliers de [[1939]] còntra [[Japon]] ni l'introduccion d'armas novèlas coma lei carris [[T-34]] e KV. Ansin, se l'armada sovietica èra afeblida, gardava encara de capacitats importantas qu'anava permetre sa resisténcia a l'ataca alemanda.
==== De la desfacha a la victòria ====
| |||