Iòssif Stàlin : Diferéncia entre lei versions
Contengut suprimit Contengut apondut
Linha 134 :
En decembre de [[1934]], l'[[assassinat]] de [[Serguei Kírov]] ([[1886]]-[[1934]]), secretari dau partit de [[Leningrad]], marquèt lo començament d'una politica de terror pus sistematica. A partir de [[1936]], de purgas toquèron totei lei sectors de la societat coma lo partit, l'administracion, l'armada, lei mitans [[culturau]]s e mai de particulars. Lo movement culminèt ambé lei [[procès de Moscòu]] que li permetèt de condamnar a mòrt la màger part dei caps politics e militars de la Revolucion e de la guèrra civila ([[Grigori Zinoviev]], [[Lev Kamenev]], lo manescau [[Mikhail Tukhachevsky|Tukhachevsky]]...) que foguèron accusats de complòts imaginats per lo [[NKVD]]. Plusors centenaus de miliers de Sovietics foguèron ansin desportats dins de camps de trabalh. Per gerir un nombre tant important de presoniers, una administration especiala, dicha « Administracion especiala dei camps » (Gulag), foguèt creada en [[1934]]. En mai d'aquò, en [[1940]], la repression de tota forma d'oposicion foguèt completada ambé l'assassinat de [[Lev Trotski|Trotski]] per un agent sovietic en [[Mexic]].
Lo bilanç de la politica de terror deis ans 1930 es pasmens mau conegut car lei recèrcas dònan d'estimacions fòrça diferentas. Segon leis archius dau [[KGB]], i aguèt aperaquí {{formatnum:682000}} execucions durant lei purgas de [[1936]]-[[1938]]. Lo nombre d'arrestacions es pauc clar – es probablament inferior a un milion per an – mai la populacion dei camps dau Gulag passèt de 1,2 a 1,9 milions de personas entre [[1937]] e [[1938]]<ref>Un liame entre lo nombre d'arrestacions e l'aumentacion dau nombre de presoniers es malaisat d'establir car i aviá dins lei camps dau Gulag un nombre important d'arribadas e de liberacions.</ref>. De mai, i aguèt benlèu {{formatnum:140000}} mòrts dins lei camps durant leis ans [[1936]]-[[1938]]. Lo bilanç de la collectivizacion dei tèrras es encara pus malaisat d'establir. Lo nombre d'executats sembla relativament feble ({{formatnum:30000}}) mai aperaquí 4 milions de païsans foguèron desportats e {{formatnum:600000}} moriguèron durant aquelei transferiments. Sustot, lei faminas causèron la mòrt de 5 a 7 milions de Sovietics, principalament en [[Ucraïna]].
==== Lo desvolopament dau culte de la personalitat ====
| |||