Naviri : Diferéncia entre lei versions

Contengut suprimit Contengut apondut
Linha 42 :
=== La Revolucion Industriala ===
 
Simbòl de la [[Revolucion Industriala]] dau sègle XIX, la [[maquina de vapor]] comencèt d'èsser adaptada sus de naviris tre la fin dau sègle XVIII. La concepcion foguèt malaisada car la poissança dei premierei maquinas èra limitada. De mai, lo propulsor adoptada per transmetre la poissança de la maquina au naviri foguèt premier la ròda de pala qu'èra pas totjorn eficaça dins un environament marin. La vapor foguèt donc inicialament adaptada coma complement de la propulsion velica ò per de naviris fluviaus coma lei [[Steam boat]]s [[USA|estatsunidencs]]. L'utilizacion en [[mar]] se desvolopèt dins lo corrent deis ans 1830-1840 ambé lei premierei traversadas transatlanticas unicament realizadas amb una propulsion de vapor e ambé lo remplaçament de la ròda de pala per l'eliça. Après aquelei capitadas, la vapor venguèt pauc a pauc lo mejan de propulsion principau. Predominèt de [[1870]] a [[1950]] e entraïnèt la disparicion dei garniments a partir de [[1900]].
==== La generalizacion progressiva de la propulsion de vapor ====
 
D'efèct, la disparicion dei velas foguèt relativament lònga car la propulsion de vapor aviá certaneis inconvenients. En particular, necessitava de crompar de quantitats importants de [[carbon]] e de pausas regularas per avitalhar lo [[naviri]]. Son còst demorèt donc lòngtemps un problema e lei veliers demorèron una solucion per lo transpòrt de certanei marchandisas. L'aparicion dei còcas de [[metal|metau]] aviá permés d'aumentar sa longor e donc sa capacitat de transpòrt. Ansin, de veliers gigants contunièron de circular fins ai premiers decennis dau sègle XX. Un exemple d'aqueu tipe de naviri es lo [[clipper]] qu'èra destinat au transpòrt de bens fugidís entre [[Euròpa]] e leis [[Índia]]s.
==== La generalizacion deis estructuras metallicas ====
 
Dins lo domeni militar, maquina de vapor e còca metallica venguèron la nòrma a partir deis ans 1850. Aquò permetiá d'aumentar lo [[blindatge]], la disponibilitat e la [[velocitat]]. La [[Guèrra de Crimèa]] ([[1853]]-[[1856]]) e la [[Guèrra de Secession]] ([[1861]]-[[1865]]) ne validèron lo concèpte. Lei [[naviri de linha|naviris de linha]] dei sègles XVII e XVIII foguèron remplaçats per lo [[cuirassat]]. Au començament dau sègle XX, lei masts dispareguèron tanben sus lei naviris militars. Durant aqueu periòde, se fau tanben mencionar l'aparicion dau [[sosmarin]] imaginat l'[[Antiquitat]] per lei [[Grècia antica|Grècs]] e lei [[Republica Populara de China|Chinés]]. A partir deis ans 1860, lei marinas militaras occidentalas comencèron de s'equipar ambé de sosmarins e la [[Premiera Guèrra Mondiala]] ([[1914]]-[[1918]]) ne demostrèt l'interès.
==== La perseguida de l'especializacion ====
 
=== Dempuei la Segonda Guèrra Mondiala ===