Lei naviris militars (ò naviris de guèrra) son de naviris equipats de sistèmas d'armas li permetent d'atacar, de defendre ò de protegir d'autrei [[naviri]]snaviris ò d'objectius terrèstres. D'un biais generau, se destria lei naviris militars de superficia e lei [[sosmarin]]s. Au sen dau premier grop, se diferencia leis unitats oceanicas, pus poderosas e pus autonòmas, dei naviris unicament destinats a la defensa dei zònas [[litorau|litoralas]]. Lei pus poderós son lei [[pòrta-avions]], que son arma principala es una aviacion embarcada, e lei [[crosaire]]s que son equipats d'un espèctre larg d'armaments offensius e defensius. Existís tanben lei [[destroièr]]s que son dotats d'un armament complèt (antinaviri, antiaerian e antisosmarin) per protegir de convòis ò d'esquadras e lei [[fregata (naviri)|fregatas]] que son tanben de naviris de proteccion mai qu'an sovent un ròtle pus especializat dins un tipe de lucha. Pasmens, dins lei fachs, lei [[destroièr]]s e lei [[fregata (naviri)|fregatas]] son venguts quasi identics. Existís tanben un ensems fòrça variat de naviris de transpòrt e de desbarcament. La màger part son capables de percórrer de distàncias lòngas e un nombre creissent pòdon acuelhir una flòta d'[[elicoptèr]]s e de centres de comandament.
Per assegurar la defensa dei zònas litoralas, lei [[marina militara|marinas militaras]] utilizan de naviris pus pichons amb una autonòmia mens importanta. Lei principaus son lei [[corveta]]s que son sovent d'unitats pauc [[blindatge|blindada]]s mai que son equipadas d'armaments poderós. Puei, vènon lei [[patrolhaire]]s que son de naviris leugiers principalament destinats a la susvelhança. Pasmens, certanei son equipats de [[míssil]]s antinaviris capables de neutralizar totei lei tipes de naviris existents.
