Feminisme : Diferéncia entre lei versions

Lo [[sègle de las Lutz|Sègle dei Lutz]] favorizèt un important desvolopament de la [[filosofia]] mai la question dei fremas i foguèt pas un subjècte important. Per la màger part deis actors dau movement, l'inegalitat entre lei [[sèxe (biologia)|sèxes]] èra una « causa naturala ». Per exemple, l'article « Frema » de l'''[[Enciclopèdia]]'' afierma : ''« La religion crestiana a establit una superioritat vertadiera de l'òme »''. Pasmens, d'excepcions existisson coma lo [[Nicolas de Condorcet|marqués de Condorcet]] ([[1743]]-[[1794]]). Actor important de la [[Revolucion Francesa]], èra en favor de l'egalitat deis òmes e dei fremas e dau drech de vòte femenin.

Una autra personalitat majora dau periòde foguèt [[Olympe de Gouges]] ([[1748]]-[[1793]]), autora de la ''[[Declaracion dei drechs de la frema e de la ciutadana]]''. Fòrça avançat per son epòca, son programa demandava l'egalitat politica entre lei sèxes<ref>[[Olympe de Gouges]] declarèt « Se una frema a lo drech de montar sus lo cadafauc, dèu tanben aver aqueu de montar a la Tribuna »</ref>, la creacion de maternitats, la creacion d'un sistèma de proteccion sociala per lei maires, la supression dau maridatge religiós e l'instauracion d'un contract civiu d'associacion per lo pareu. Pasmens, foguèt [[guilhotina|guilhotinada]] au començament de la [[Revolucion Francesa|Revolucion]] en causa de sei liames ambé lei Girondins. Pasmens, en despiech de sa [[mòrt]], lei fremas obtenguèron certanei drechs coma lo drech au divòrci e l'egalitat deis eiretiers – que foguèron suprimits per [[Napoleon Bonaparte|Napoleon]] ò per [[Loís XVIII de França|Loís XVIII]].