Feminisme : Diferéncia entre lei versions

Contengut suprimit Contengut apondut
Linha 103 :
=== Lo feminisme dempuei leis ans 1980 ===
 
Dins leis ans 1980, lo feminisme conoguèt una crisi novèla en causa de la manca d'interès dei generacions novèlas per lo feminisme après lei victòrias deis ans 1970. De mai, dins lei país dau blòt comunista, l'afondrament de l'[[URSS]] entraïnèt la disparicion deis avantatges ganhats dins l'encastre dau [[comunisme|socialisme]] coma lo drech a un emplec. Dins aquelei país, lo taus de professionalizacion dei fremas demeniguèt donc rapidament. Per faciar aqueu declin, de movements novèus se formèron dins lo corrent deis ans 1990. A respèct dei movements precedents, donan mai d'importància ai revendicacions dei minoritats oprimidas, a l'egalitat salariala e a la lucha còntra lo secutament sexuau. Pasmens, aquò sembla entraïnar una fragmentacion dei revendicacions. De mai, lei diferentei tendàncias dau feminisme actuau an pauc d'omegeneïtat ideologica e certanei tendàncias, coma lo [[feminisme radicau]] e lo [[feminisme pro-sèxe]], son fòrça opausats entre elei.
 
Dins aqueu contèxte, lei drechs dei fremas avançan gaire dempuei la fin de la [[Guèrra Freja]] e enregistrèron quauquei reculaments dins certanei país. En particular, lo drech a l'avortament es la buta d'atacas violentas de part dei [[conservatisme|conservators]]. Per exemple, en [[2016]], foguèt tornarmai enebit en [[Polonha]]. De mai, dins l'encastre dei dificultats financieras eissits de la [[crisi economica de 2008]], lei budgets sociaus, compres aquelei dei centres de planificacions familialas ò destinats a la lucha còntra lei violéncias sexualas, an tendància de demenir.