Feminisme : Diferéncia entre lei versions

 

==== Lei Lutz e la Revolucion Francesa ====

 

Lo [[sègle de las Lutz|Sègle dei Lutz]] favorizèt un important desvolopament de la [[filosofia]] mai la question dei fremas i foguèt pas un subjècte important. Per la màger part deis actors dau movement, l'inegalitat entre lei sèxes èra una « causa naturala ». Pasmens, d'excepcions existisson coma lo [[Nicolas de Condorcet|marqués de Condorcet]] ([[1743]]-[[1794]]). Actor important de la [[Revolucion Francesa]], èra en favor de l'egalitat deis òmes e dei fremas e dau drech de vòte femenin. Una autra personalitat majora dau periòde foguèt [[Olympe de Gouges]] ([[1748]]-[[1793]]) autora de la ''[[Declaracion dei drechs de la frema e de la ciutadana]]''. Fòrça avançat per son epòca, son programa demandava l'egalitat politica entre lei sèxes, la creacion de maternitats, la creacion d'un sistèma de proteccion sociala per lei maires, la supression dau maridatge religiós e l'instauracion d'un contract civiu d'associacion per lo pareu. Pasmens, foguèt [[guilhotina|guilhotinada]] au començament de la Revolucion en causa de sei liames ambé lei Girondins. Pasmens, en despiech de sa [[mòrt]], lei fremas obtenguèron certanei drechs coma lo drech au divòrci e l'egalitat deis eiretiers – que foguèron suprimits per [[Napoleon Bonaparte|Napoleon]] ò per [[Loís XVIII de França|Loís XVIII]].