Enebit d'un tresen mandat per la [[constitucion]], [[Leonid Koutchma]] poguèt pas se presentar a l'eleccion presidenciala de [[2004]]. L'escrutinh opausèt [[ViktorVíktor IanoukovytchIanokòvych]], un oligarca de l'èst, a [[Viktor Iouchtchenko]], un economista sostengut per l'oèst. En causa de fraudas, lei resultats dau segond torn foguèron fòrça contestats per lei partisans d'Iouchtchenko qu'adoptèron la [[color]] arange coma simbòl. Après una lònga crisi, obtenguèron contentament e un tresen torn donèt la victòria a son candidat (56%). Pasmens, lei venceires de la [[Revolucion Arange]] se devesiguèron rapidament entre elei e mau capitèron de dispausar d'una majoritat parlamentària. En [[2006]], perdiguèron leis eleccions legislativas e [[Viktor Ianoukovytch|Ianoukovytch]] foguèt ansin nomat cap dau govèrn. Iouchtchenko assaièt sensa succès de dissòuvre lo Parlament e [[Viktor Ianoukovytch|Ianoukovytch]] ganhèt l'eleccion presidenciala de [[2010]]. Aqueu periòde veguèt la perseguida de la represa economica, sostenguda per la demanda [[Republica Populara de China|chinesa]], mai veguèt egalament l'agravament dei tensions interioras èst-oèst e de retards dins la modernizacion de l'economia e de l'administracion, fòrça corrompudas, dau país.
==== La crisi de 2014 e la guèrra civila dins l'èst ====
Dins lo corrent deis annadas 2010, [[ViktorVíktor Ianoukovytch|IanoukovytchIanokòvych]] assaièt de mantenir un equilibri precari entre [[Russia]] e [[Union Europèa]]. Pasmens, en [[2013]], la conclusion pròcha d'un acòrd d'associacion ambé l'UE entraïnèt de pressions importantas sus [[Kiev]] de part de [[Moscòu]]. En novembre de [[2013]], lo govèrn ucrainian chausiguèt finalament d'abandonar son projècte d'acòrd ambé [[Brussèlas]] au profiech d'un raprochament ambé [[Russia]]. Populara a l'èst, aquela decision entraïnèt de manifestacions majoras a [[Kiev]] e dins l'oèst (veire [[EuroMaidan]]). Après quatre mes de crisi, lo Parlament votèt finalament la destitucion dau president lo 22 de febrier que s'enfugiguèt a l'èst. Puei, lo 27 de junh de [[2014]], lo novèu president [[Petro Porochenko]] signèt un acòrd comerciau ambé l'UE.
