Ucraïna : Diferéncia entre versions

==== Lei Cosacs Zaporoges ====
 
Lei Cosacs èran un ensems de pòbles nomadas, generalament eslaus, installats dins lei regions [[frontiera|frontalieras]] entre [[Polonha]]-[[Lituània]], [[Russia]], [[Khanat de Crimèa]] e khanats mongòls. Lei Zaporoges, [[Ortodoxia|ortodoxs]], de lenga ucrainiana e nominalament vassaus de la corona polonesa, n'èran lei representants pus occidentaus. Installats dins la bloca de [[DnieprDnièpre]] a la periferia de [[Polonha]]-[[Lituània]] e de [[Russia]], èran cortejats per lei doas poissanças que li donavan d'armas e de viures en cambi d'un sostèn militar. Aquò permetèt ai Zaporoges de desvolopar pauc a pauc d'institucions que venguèron relativament solidas dins lo corrent dau sègle XVI.
 
Òr, aqueu periòde veguèt de transformacions importantas dau territòri zaporoge en causa de l'installacion de païsans polonés (dempuei l'oèst) e rus (dempuei lo nòrd). D'efèct, de magnats acomencèron rapidament de revendicar de [[drech]]s sus lei regions cultivadas, çò qu'entraïnèt de revòutas. Una premiera temptativa mau capitèt en [[1637]] e permetèt ai [[Polonha|Polonés]] de renfòrçar sa preséncia dins la bloca de [[Dniepr]]. Pasmens, de combats acomencèron tornarmai a partir de [[1648]] amb una revòuta novèla dirigida per [[Bogdan Khmelnitski]] que s'alièt ambé lei [[Khanat de Crimèa|Tatars de Crimèa]] en [[1648]] e ambé lei [[Russia|Rus]] en [[1654]]. En [[1654]], [[Bogdan Khmelnitski|Khmelnitski]] reconoguèt la senhoriá russa en cambi dau mantenement deis institucions dei Zaporoges.
64 339

cambiaments