1942 : Diferéncia entre versions

1 987 octets aponduts ,  fa 3 anys
pas cap de resumit de modificacion
 
=== Euròpa ===
 
* [[7 de genièr]] - Fin de la [[Batalha de Moscòu]], amb victòria [[Union Sovietica|sovietica]] estrategica.
* [[18 de julhet]] - Primièr tèst de l'avion [[Alemanha|alemand]] [[Messerschmitt Me-262]].
* [[30 d'agost]] - Annexion de [[Luxemborg]] al Reich alemand.
* [[25 d'octobre]] - Deportacion dels presonièrs [[judaïsme|josieus]] de [[Norvègia]] a [[Auschwitz]].
* [[19 de novembre]] - [[Batalha de Stalingrad]]: contra-atac de las tropas [[Union Sovietica|sovieticas]].
 
==== [[Alemanha]] ====
 
Extension dau drech de vòte ai fremas.
 
=== [[Asia]] ===
 
==== [[Japon]] ====
 
Après l'[[Ataca de Pearl Harbour|ataca còntra la basa estatsunidenca de Pearl Harbour]] (→ [[1941]]), lei Japonés contunièron seis atacas començadas a la fin de l'an precedent còntra lei [[colonialisme|colonias]] [[Euròpa|europèas]] e [[USA|estatsunidencas]] dau Sud-Èst Asiatic. En particular, ocupèron [[Manila]] (2 de genier) e [[Kuala Lumpur]] (11 de genier). Puei, a la suspresa generala deis Europèus, prenguèron la basa [[Reialme Unit|britanica]] de [[Singapor]] (15 de genier) qu'èra considerada coma la fortalesa pus poderosa de l'[[Empèri Britanic]]. Puei, l'armada japonesa capitèt d'ocupar lei [[Filipinas]], [[Birmania]] e la màger part deis [[Indonesia|Índias Neerlandesas]].
 
Lei temptativas deis Aliats per leis arrestar s'acabèron per de reviradas coma a la [[premiera batalha de la Mar de Java]] (27 de febrier) onte perdiguèron 4 [[naviri]]s e {{formatnum:2300}} marins. En abriu, la marina japonesa capitèt tanben de menar una incursion suspresa còntra la basa britanica de [[Ceilan]] onte destruguèt 29 [[naviris]] (compres un pòrta-avions e tres crosaires).
 
Pasmens, aquelei succès durèron gaire car a partir de març-abriu, la progression japonesa foguèt arrestada dins leis illas situadas au nòrd d'[[Austràlia]]. De combats durs i comencèron (→ [[1943]]) e la flòta poguèt gaire i sostenir lei fòrças terrèstras. D'efèct, entre lo 4 e lo 8 de mai, la flòta menèt un combat fòrça indecís còntra leis Estatsunidencs dins la [[Batalha de la Mar de Coralh|Mar de Coralh]]. [[Japon]] i enregistrèt un succès tactic car leis Estatsunidencs i perdiguèron un pòrta-avions important. Pasmens, tota progression vèrs lo sud èra arrestada dins lo sector.
 
Lo mes seguent, lei Japonés assaièron donc d'aumentar la pression en direccion deis [[USA|Estats Units]] per obtenir lo retirament dei [[naviri]]s estatsunidencs dau sud de l'[[Ocean Pacific]]. Pasmens, lo plan japonés foguèt descubèrt e sa flòta foguèt suspresa a la [[batalha de Midway]]. Ambé quatre pòrta-avions e un crosaire aprefondats, l'Empèri Nippon i laissèt l'iniciativa estrategica a son adversari e deguèt començar de preparar la defensa de sei conquistas còntra leis ofensivas qu'anavan venir (→ [[1943]]). En particular, deguèt sostenir una lucha saunosa dins leis Illas Salomon que son enjòc èra la securizacion dei linhas de comunicacion entre [[Austràlia]] e [[America]].
 
=== Mond ===
44 085

cambiaments