Satan : Diferéncia entre lei versions

Contengut suprimit Contengut apondut
Erunberri (discussion | contribucions)
Cap resum de modificació
Erunberri (discussion | contribucions)
Cap resum de modificació
Linha 1 :
<!--Article redigit en lemosin-->
'''Satan''' (שטן en [[ebrieu]]) es un terme de la Bíblia significant {{cita|adversari / acusaire}} o {{cita|èsser un adversari}} e {{cita|acusaire}} o {{cita|èsser/ un acusaire}} au<ref><small>Au sens de [[calómnia|calomniador]].</small></ref> Sos la forma de verbe, ''śāṭān'' apareis 6 còps dins lo texte massoretic de la Bíblia ebraïca, que 5 dins lo Libre daus Salmes (38, 71 e 109) e 1 dins lo Libre de Zacàrias (3:1). Sos la forma de nom, ''śāṭān'' se pòt aplicar a d'èssers umans, de creaturas celestas o 'na [[allegoria]]; lo rei [[Dàvid]] es per exemple qualificat de ''śāṭān'' per los [[filistèus|filisteus]], es a dire d'adversari militar (1 Samuel 29:4); eu mesme qualifica Abishai, un membre de sa cort, de ''śāṭān'' per aver propausat de condemnar a mòrt un ancian opausaire au rei (2 Samuel 19:23); dins sa letra a Hiram de [[Tir (Liban)|Tir]], òm vei lo rei [[Salamon]] utilizar lo terme per significar qu'a pas mai d'enemic que menace son reiaume (1 Reis 5:18); pus tard, quand Hadad d'Edòm e Rasin de Siria atacan son reiaume, son qualificats de ''śāṭān''; dins 4 passatges de la Bíblia, lo terme es utilizat per designar de creaturas celestas: Libre daus Nombres 22:22 e 22:32, Prumier Libre de las Cronicas 21:1, Libre de Zacàrias 3:1 e Libre de Jòb, capítols 1 e 2; lo nom apareis egalament coma 'na figura allegorica dins lo tresen capítol dau Libre de Zacàrias; dins lo Prumuer Libre de las Cronicas, lo mot apareis a la forma indefinida e 'quò es lo sol endrech dins la Bíblia ebrieva ente 'quilha forma designa bentot un nom pròpri ({{cita|Satan}}) e non pas un nom comun ({{cita|un satan}}); 'quilh passatge indica que Satan incitet Dàvid a recensar lo pòble; dins lo passatge parallel dau Segond Libre de Samuel, au contrari, Dieu es a l'origina dau recensament.
 
Dins la literatura judieva de l'epòca ellenistica, bentot sos l'influéncia de la religion persa e dau [[dualisme]] [[Zoroastrisme|zoroastrian]], se desvolopa la demonologia dins lo judaïsme; dins 'questa literatura postbiblica, Satan apareis coma lo nom d'un [[demòni]] que figura dins lo [[Libre dels Jubilèus|Libre daus Jubileus]] (23:29) e dins l'[[Assompcion de Moïses]] (10:1); lo texte de l'[[Apocalipsi de Moïses]] conten una legenda sus la transformacion de Satan en àngel de lutz e sa cooperacion amb la serp per enganar [[Èva|Eva]].
 
Dins lo Noveu Testament, òm vei [[Jèsus de Nazaret|Jesus]] utilizar lo vocable coma un nom pròpri diabolic; Satan i es conegut per l'expression latina {{Cita|Vade retro Satanas}} ({{Cita|Enrè, Satan!}}) extracha de l'Evangeli de Matieu (4:10) segon la Vulgata de Sant Jiròni, au moment de la tentacion de Jesus dins lo desert; es egalament citat dins lo passatge correspondent de l'Evangeli de Marc (1:11 e 1;12) e dins un autre passatge de l'Evangeli de Luc (10:18).
 
===Nòtas===
{{reflist}}
 
[[Categoria:Mitologia]]