Satan : Diferéncia entre lei versions

Contengut suprimit Contengut apondut
Cap resum de modificació
Cap resum de modificació
Linha 1 :
<!--Article redigit en lemosin-->
'''Satan''' (שטן en [[ebrieu]]) es un terme de la Bíblia significant {{cita|adversari}} o {{cita|èsser un adversari}} e {{cita|acusaire}} o {{cita|èsser un acusaire}} au sens de [[calómnia|calomniador]]. Sos la forma de verbe, ''śāṭān'' apareis 6 còps dins lo texte massoretic de la Bíblia ebraïca, que 5 dins lo Libre daus Salmes (38, 71 e 109) e 1 dins lo Libre de Zacàrias (3:1). Sos la forma de nom, ''śāṭān'' se pòt aplicar a d'èssers umans, de creaturas celestas o 'na [[allegoria]]; lo rei [[Dàvid]] es per exemple qualificat de ''śāṭān'' per los [[filistèus|filisteus]], es a dire d'adversari militar (1 Samuel 29:4); eu mesme qualifica Abishai, un membre de sa cort, de ''śāṭān'' per aver propausat de condemnar a mòrt un ancian opausaire au rei (2 Samuel 19:23); dins sa letra a Hiram de [[Tir (Liban)|Tir]], òm vei lo rei [[Salamon]] utilizar lo terme per significar qu'a pas mai d'enemic que menace son reiaume (1 Reis 5:18); pus tard, quand Hadad d'Edòm e Rasin de Siria atacan son reiaume, son qualificats de ''śāṭān''; dins 4 passatges de la Bíblia, lo terme es utilizat per designar de creaturas celestas: Libre daus Nombres 22:22 e 22:32, Prumier Libre de las Cronicas 21:1, Libre de Zacàrias 3:1 e Libre de Jòb, capítols 1 e 2; nom apareis egalament coma 'na figura allegorica dins lo tresen capítol dau Libre de Zacàrias; dins lo Prumuer Libre de las Cronicas, lo mot apareis a la forma indefinida e 'quò es lo sol endrech dins la Bíblia ebrieva ente 'quilha forma designa benlèubentot un nom pròpri ({{cita|Satan}}) e non pas un nom comun ({{cita|un satan}}); aquel passatge indica que Satan incitèt Dàvid a recensar lo pòble; dins lo passatge parallèl del Segond Libre de Samuèl, al contrari, Dieu es a l'origina d'aquel recensament.
 
Dins la literatura jusieva de l'epòca ellenistica, benlèu jos l'influéncia de la religion pèrsa e del [[dualisme]] [[Zoroastrisme|zoroastrian]], se desvolopa la demonologia dins lo judaïsme; dins aquesta literatura postbiblica, Satan apareis coma lo nom d'un [[demòni]] que figura dins lo [[Libre dels Jubilèus]] (23:29) e dins l'[[Assompcion de Moïses]] (10:1); lo tèxte de l'[[Apocalipsi de Moïses]] conten una legenda sus la transformacion de Satan en àngel de lutz e sa cooperacion amb la [[sèrp]] per enganar [[Èva]].