Zambia : Diferéncia entre lei versions
Contengut suprimit Contengut apondut
Linha 66 :
==== Leis annadas Kenneth Kaunda ====
Elegit a la presidéncia en [[1964]], [[Kenneth Kaunda]] demorèt a la tèsta de Zambia fins a [[1991]]. [[Diplomacia|Diplomaticament]], deguèt faciar una situacion fòrça malaisada en causa d'una situacion regionala instabla. D'efèct, per assegurar lo mantenement deis exportacions de [[coire]], principala ressorsa dau país, foguèt obligat d'adoptar una posicion neutra a respèct dau regime d'[[apartheid]] de [[Zimbabwe|Rodèsia dau Sud]]. De mai, Zambia deguèt tanben tenir còmpte dei conflictes que tocavan lei país vesins ([[Republica Democratica de Còngo|Zaire]], [[Angòla]] e [[Moçambic]]). Aquò favorizèt un raprochament ambé [[Tanzania]] e un acòrd foguèt trobat en [[1966]] per bastir un camin de fèrre vèrs [[Dar es Salaam]] (acabat en [[1975]]).
Regardant leis afaires interiors, lo president [[Kenneth Kaunda|Kaunda]] acceptèt inicialament de participar a una vida politica democratica. Pasmens, en [[1973]], l'UNIP venguèt partit unic e l'ANC foguèt obligada de ragantar la formacion presidenciala. Lei consequéncias d'aqueu còp de fòrça foguèron marridas per l'economia zambiana car favorizèt lo desvolopament de la corrupcion. Ansin, maugrat lo melhorament dau contèxte regionau dins leis annadas 1980 (fin dau regime segregacionista de Rodèsia dau Sud), Zambia conoguèt de dificultats economicas, socialas e financieras grèvas. Ansin, a la fin dau decenni, après una intervencion dau [[FMI]] qu'agravèt mai la situacion, [[Kenneth Kaunda]] deguèt acceptar l'organizacion d'eleccions liuras ganhadas per lo [[sindicat|sindicalista]] [[Frederick Chiluba]].
==== Zambia dempuei 1991 ====
| |||