Zambia : Diferéncia entre lei versions
Contengut suprimit Contengut apondut
Linha 61 :
En [[1924]], [[Londres]] creèt lo Protectorat de Rodèsia dau Nòrd que donèt una certana autonòmia a la colonia ambé la creacion d'un conseu legislatiu elegit (a partir de [[1926]]) au sufragi censitari<ref>Dins lei fachs, lei condicions fixadas per vòtar èran sustot destinadas a exclure leis indigèns dau vòte.</ref>. En [[1931]], comencèt l'esplecha dei jaciments de [[coire]] de la [[Copperbelt]] qu'assegurèt la prosperitat economica de la colonia. Pauc a pauc, lei populacions negras obtenguèron mai de drechs e d'autonòmia en despiech dei temptativas dei Blancs — sovent originaris de [[Sud-Africa]] — d'instaurar un regime segregacionista. En [[1938]], lo conseu legislatiu foguèt ansin dubèrt a un representent — blanc — de la comunautat africana. Puei, lei sindicats negres menèron una lònga lucha per far abolir lei mesuras segregacionistas impausadas per la legislacion sus lo trabalh. Obtenguèron contentament en [[1949]].
A partir deis annadas 1950, [[Londres]] comencèt lentament de se retirar de la region e assaièt de formar una federacion gropant lei doas Rodèsia e lo [[Malawi|protectorat de Nyassaland]]. Fondat en [[1953]], aquel ensems se turtèt a l'ostilitat dei colons blancs de Rodèsia dau Sud que crenhavan l'abandon de son sistèma segregacionista e dei Negres Rodèsia dau Nòrd que crenhavan, au contrari, son extension. En [[1962]], la victòria dei dos partits independentistas de Rodèsia dau Nòrd (l'[[Partit per l'Independéncia Nacionala Unitari|UNIP]] de [[Kenneth Kaunda]] e l'[[Congrès Nacionau African (Zambia)|ANC]] de [[Harry Nkumbula]]) entraïnèt la fin dau projècte e la federacion foguèt oficialament dissòuta lo 31 de decembre de [[1963]]. Puei, la Rodèsia dau Nòrd venguèt independenta lo 24 d'octòbre de [[1964]] e prenguèt lo nom de Zambia.
=== La Zambia independenta ===
| |||