407 : Diferéncia entre lei versions

Contengut suprimit Contengut apondut
Cap resum de modificació
Linha 21 :
Lo passatge de [[Ren (fluvi)|Ren]], començat lo 31 de decembre de l'[[annada]] precedenta (→ [[406]]), per lei pòbles barbars establits en Germania contunièt. La gelada dau fluvi ajudèt lo movement e lei tropas cargadas de protegir la [[frontiera]] poguèron pas resistir. Lei [[Francs]] federats, desbordats per lo nombre, se retirèron e lei fortalesas imperialas de la region ([[Worms]], [[Colonha]], [[Maiança]]) foguèron conquistadas per leis envaïsseires e pilhadas. A la fin de l'[[annada]], lo nòrd de [[Gàllia]] èra ocupat per lei [[Vandals]], lei [[Suèves]], leis [[Alans]], lei [[Burgondas]] e divèrseis autrei tribüs (→ [[408]]).
 
Aquela catastròfa foguèt rapidament agravada per de trèbols novèus a la tèsta de l'Empèri. D'efèct, en [[Britannia]], lei soudats se revoutèron e proclamèron plusors emperaires. Dins un contèxte mau conegut, lo generau Gratian s'impausèt mai sei soudats , lassats de sa duretat, l'assassinèron (març) e proclamèron en plaça lo generau [[Constantin III|Flavius Claudius Constantinus]] coma emperaire (sota lo nom de [[Constantin III]]). Rapidament, [[Constantin III|Constantin]] passèt sus lo continent ambé sei tropas. Aquò marquèt la fin dau periòde roman dins leis [[Illas Britanicas]] car la partença dei legions venguèt definitiu dins lo corrent deis [[annada]]s seguentas.
 
Aquò geinava lei projèctes de [[Stilicon]] qu'èra a preparar una guèrra còntra l'[[Empèri Bizantin|Empèri d'Orient]]. De negociacions complèxas li permetèron de gardar lo sostèn de sei mercenaris barbars e de poder mandar de tropas còntra l'usurpator. Pasmens, [[Constantin III|Constantin]] capitèt de batre lei generaus de [[Stilicon]] (setembre) e de prendre lo contraròtle de [[Gàllia]] entre lei zònas tengudas per lei Barbars e leis [[Aups]] (→ [[408]]). Enfin, dins lo corrent d'aqueleis eveniments caotics, lo [[prefècte dei Gàllias]], Petronius, abandonèt [[Trevèri]], menaçada per lei Suèves, lei Vandals, lei Burgondas e leis Alans, au profiech d'[[Arle]].
Recuperada de « https://oc.wikipedia.org/wiki/407 »