Croàcia : Diferéncia entre lei versions
Contengut suprimit Contengut apondut
Linha 46 :
Lei luchas d'influéncia entre [[Catolicisme|catolics]] e [[Ortodoxia|ortodòxs]] foguèron una menaça importanta per l'estabilitat dau reiaume. Pasmens, lo [[catolicisme]] s'impausèt a cha pauc e venguèt un simbòl important de l'identitat croata. Lei rèis de Croàcia deguèron tanben faciar l'expansionisme dei Habsborg lòng de sa [[frontiera]] septentrionala e resistir ais ambicions [[Empèri Bizantin|bizantinas]] e [[Republica de Venècia|veneciana]]s sus lo [[litorau]]. Dins aquò, a la fin dau sègle XI, l'[[assassinat]] dau rèi [[Dmitar Zvonimir]] ([[1076]]-[[1089]]) entraïnèt una grèva crisi de succession e una intervencion ongresa dins leis afaires croats. Pauc a pauc, leis Ongrés prenguèron lo contraròtle dau país e en [[1102]], lo rèi d'[[Ongria]] [[Kálman]] signèt ambé lei Croats leis acòrds dichs ''Pacta conventa''. Donavan la corona croata au rèi d'Ongria segon un sistèma d'[[union personala]]. En cambi, leis Ongrés gardavan son autonòmia e seis institucions.
Fins a l'afondrament dau Reiaume d'Ongria après la [[batalha de Mohács]] ([[1526]]), Croàcia aguèt la meteissa istòria qu'[[Ongria]] dins lei [[Balcans]]. Au [[nòrd]], lo limit ambé lo [[Sant Empèri Roman Germanic|Sant Empèri]] demorèt establa : marca totjorn la frontiera entre Croàcia e [[Eslovènia]]. En revènge, au [[sud]] e lòng dau [[litorau]], la frontiera evolucionèt en foncion dei luchas còntra [[Republica de Venècia|Venècia]] e de l'expansion [[Ongria|ongresa]] en [[Bòsnia e Ercegovina|Bòsnia]]. Au començament dau sègle XV, lei [[Republica de Venècia|Venecians]] tenián [[Zadar]] e [[Split]] e lei sobeirans [[Ongria|ongrés]] avián vassalizat — nominalament — [[Bòsnia e Ercegovina|Bòsnia]]. Pasmens, leis Ongrés se turtèron ai [[Empèri Otoman|Turcs Otomans]] que conquistèron la màger part de [[Bòsnia e Ercegovina|Bòsnia]] en [[1463]].
==== Lo partiment entre Otomans e Habsborg ====
| |||