Paraguai : Diferéncia entre lei versions

Contengut suprimit Contengut apondut
Linha 33 :
=== La colonizacion espanhòla ===
 
L'[[Istòria]] de Paraguai avans l'arribada deis [[Espanha|Espanhòus]] ees quasi desconeguda en causa de l'abséncia de documents [[escritura|escrichs]]. Au començament dau sègle XVI, èra poblat per divèrsei tribús semi-nomadas. En [[1537]], una expedicion espanhòla en cèrca d'[[El Dorado]] i establiguèt un camp [[fortificacion|fortificat]] lòng dau [[riu]] [[Riu Paraguai|Paraguai]]. Una aliança foguèt rapidament concluda ambé lei [[Guaraní]] per luchar còntra un ensems de tribús ostilas installadas dins lo [[nòrd]] dau Paraguai actuau.
 
Lei relacions entre [[Espanha|Espanhòus]] e [[Guaraní]] demorèron relativament equilabradas e un [[mestissatge]] important aguèt luòc entre lei dos pòbles. Au contrari dau rèsta de l'[[Empèri Espanhòl|Empèri Espanhòu]], aquelei mestís foguèron reconeguts coma legitims e integrats a la societat coloniala. Pasmens, a partir de [[1556]], lei relacions adoptèron lo modèl coloniau classic e lo sistèma de l'[[encomienda]] foguèt introduch en Paraguai. Leis Amerindians foguèron batejats per fòrça e deguèron pagar d'impòsts ò trabalhar au profiech dau poder espanhòu. Aquò entraïnèt de revòutas fòrça importantas e leis autoritats perdiguèron lo contraròtle dau país.