Paraguai : Diferéncia entre lei versions

Lo periòde jesuista permetèt de restablir la [[patz]] dins la region e de redreiçar son economia. Dins lei reduccions, leis Amerindians vivián dins de [[vilatge]]s [[fortificacion|fortificat]]s organizats segon lo modèl sociau dei [[Guaraní]]. Cada familha aviá un tenement personau per subvenir a sei besonhs mai deviá un certan nombre de jorns de tèrras comunas. Aqueu sector communautari èra destinat a assegurar l'alimentacion dei personas que trabalhavan pas ([[clergat]], [[malautiá|malauts]], ancians... etc.) e a produrre de bens [[agricultura|agricòla]]s exportables (generalament [[coton]] ò [[mate]]). Dins aqueu sistèma, lei [[Guaraní]] gardèron una libertat important car èran pas dirèctament dependents deis autoritats espanhòlas e car i aviá pauc d'Europèus en Paraguai.

Relativament prospèra, la Republica Jesuista de Paraguai recebèt una autonòmia fòrça importanta au sen de l'[[Empèri Espanhòl|Empèri Espanhòu]] en cambi dau pagament regular d'un impòst a la corona. En [[1639]], lei jesuistas obtenguèron lo drech de tenir d'[[arma de fuòc|armas de fuòc]] per se protegir còntra leis incursions des cercaires d'[[aur]] e dei caçaires d'[[esclavatge|esclaus]]. Son existéncia permetèt tanben de blocar l'avançada [[Portugal|portuguesa]] e de limitar lo poder de l'[[aristocracia]] dei regions vesinas. Per exemple, leis armadas guaraní dei [[jesuista]]s participèron a la repression de mai d'una insureccion amerindiana dins lei [[colonialisme|colonias]] [[Espanha|espanhòlas]].