Lo territòri que recep lo nom de Colorado foguèt incorporat a l'Union en [[1803]] amb la [[Crompa de LouisianaLoïsiana]] a [[França]] e la cession [[Mexic|mexicana]] de [[1848]]. En 1851 se fondèt Saint Louis, la localitat pus anciana de l'estat, per de colons venents de la val de Taos. La fèbre de l'aur de [[1859]] atraguèt fòrça colons dins l'airal de Denver e mai se amb la fin del "boom" minaire, la populacion s'amendriguèt. Lo territòri de Colorado èra considerat, en [[1861]], coma un Territòri dels Estats Units pas incorporat dins cap d'autre estat. Lo sud del territòri de Colorado, malgrat la manca de respècte de la part del govèrn nòrd-american cap als dreches civils e de proprietat garantida pel [[Tractat de Guadalupe Hidalgo]], foguèt poblat per ispanics venents del nòrd de [[Nòu Mexic]]. Dins lo decenni de 1880, aquesta expansion se vegèt redusida per la competicion amb los immigrants angloamericans e la pèrda massissa de tèrras dins lo sistèma legal nòrd-american. En [[1876]] Colorado atenguèt l'estatut d'Estat (en ganhant aital l'escais d'"Estat Centenari"). Lo sufragi femenin foguèt garantit en Colorado lo [[7 de novembre]] de [[1893]].
