Lo '''Libe deus Jubilèus''' (tanben coneishut en grèc devath lo nom de Λεπτογένεσις ''Leptogenesis'', valent a díser "[[Genèsi]] minora") qu'ei un tèxt apocrif de l'Ancian Testament atribuit a [[Moïses]] qui presenta l'istòria deus patriarcas despuish la [[Creacion]] dinc a l'instauracion de la Hèsta de Pascas.
Los Jubilèus que son un exemple de [[Bíblia]] reinventada. Produit per mieis [[judius]] pendent lo periòde deu Dusau Temple, lo libe n'obtiengó pas estatut canonic dens lo judaïsme rabinic e n'estó pas integrat a la Bíblia deus Setanta mes qu'estó inclús dens lo canon de la Glèisa Ortodòxa Etiòpa. Difusat en Euròpa a partir deu sègle XIX quan uns manuscrits estón importats d'Etiopia, qu'estó arrevirat deu gueez en mantua lenga mes non suscitè pas hèra d'interès dens la comunautat academica abans la descobèrta de mantun fragment en ebrèu
