'''Leon II''' (mòrt lo 3 de julhet de [[683]]) foguèt lo 80{{e}} [[papa]] de la [[Glèisa Catolica Romana]]. La data precisa de son eleccion es desconeguda mai l'eveniment se debanèt probablament dins lo corrent de genier de [[681]]. Pasmens, en causa d'une conflicte ambé [[Constantinòble]], foguèt pas reconeguda avans lo 17 d'aost de [[682]]. Demorèt papa fins a sa mòrt lo 3 de julhet de [[683]]. Succediguèt a [[Agaton (papa)|Agaton]] ([[678]]-[[681]]) e foguèt remplaçat per [[Beneset II]] ([[684]]-[[685]]).
Deguèt negociar ambé Constantinòble la reconeissença dei conclusions dau [[Tresen concili de ConstantinòpeConstantinòble]] ([[680]]-[[681]]) car lo papa [[Agaton (papa)|Agaton]] èra mòrt avans de lei signar. Aquò entraïnèt un conflicte a prepaus de la condamnacion dau papa [[Onòri Ier|Onòri I{{èr}}]] ([[625]]-[[638]])<ref>Lo papa [[Onòri Ier|Onòri I{{èr}}]] èra un adversari dau [[monotelisme]]. Pasmens, aviá sostengut divèrsei temptativas de conciliacion entre lei diferentei tendàncias de la Glèisa. Òr, dins l'encastre d'aquela politica, aviá escrich una frasa mau formulada que foguèt interpretada coma un sostèn ai tèsis monotelistas.</ref>. En cambi de l'acceptacion d'aquela condamnacion, Leon II obtenguèt divèrseis avantatges coma la reconeissença de son eleccion, la preséncia permanenta d'un representent dau papa en [[Constantinòble]], lo jutjament per la papautat dei [[monotelisme|monotelistas]] estremats dins la [[capitala]] [[Empèri Bizantin|imperiala]], la reconeissença de la supremàcia dau papa sus l'exarca de Ravena e la demenicion deis impòsts pagats per [[Sicília]] e Calàbria.
