Madagascar : Diferéncia entre lei versions

 

=== Lo Reiaume Merina ===

Vèrs la fin dau sègle XIX, lo rèi [[Andrianampoinimerina]] ([[1787]]-[[1810]]) restaurèt l'unitat d'Imerina amb [[Antananarivo]] coma [[capitala]]. Puei, acomencèt una politica d'expansion militara en direccion dau sud. Se maufisèt deis estrangiers mai acceptèt de cambiar d'esclaus còntra d'armas de fuec. Son fiu [[Radama Ièr|Radama I{{èr}}]] ([[1810]]-[[1828]]) contunièt sa politica d'expansion mai èra mens ostils ais influéncias estrangieras. En [[1810]], autorizèt l'installacion d'una mission [[Reialme Unit|britanica]] en [[Antananarivo]]. Puei, negocièt un acòrdi ambé [[Londres]] que foguèt signat en 1817. Acceptèt de renonciar au trafec d'[[esclavatge|esclaus]] en cambi d'una ajuda financiera, militara e tecnica. De progrès tecnics importants aguèron donc luec dins lo corrent de son rèine.