1755 : Diferéncia entre lei versions

Contengut suprimit Contengut apondut
Linha 31 :
 
[[Mòrt]] de [[malautiá]] dau negus [[Iyasu II]] ([[1730]]-1755). Son rèine veguèt lo declin accelerat de l'autoritat reiala en fòra de la region de [[Gondar]]. D'efècte, en 1755, Begemder e Gojdam èran de vassaus fòrça autonòms, Choa e Lasta èran de vassaus nominaus totalament autonòms e Tigre èra ''de facto'' un estat independent ambé la sieuna diplomacia. Son fiu [[Iyoas Ièr|Iyoas I{{èr}}]] li succediguèt. Un conflicte acomencèt rapidament entre leis emperatritz [[Mentewab]], frema dau negus [[Bekaffa]] ([[1721]]-[[1730]]), que teniá un ròtle primordiau dins lo [[govèrn]] dempuei [[1730]] e [[Welete Bersabe]], frema d'[[Iyasu II]] que revendicava la regéncia segon lei tradicions etiopianas. Lei doas emperatritz mobilizèron d'armadas importantas a l'entorn de [[Gondar]] mai, per defugir una guèrra civila, [[Mentewab]] demandèt finalament l'arbitratge dau ras de Tigre [[Mikael Sehul]]. Lo ras prenguèt lo contraròtle de la [[capitala]] e veguèt son ròtle se renfòrçar gràcias au sostèn de [[Mentewab]].
 
=== [[Asia]] ===
 
==== [[Republica Populara de China|China]] ====
 
[[File:Receiving the surrender of the Yili.jpg|thumb|right|[[Pintura]] representant la capitulacion de [[Dawachi]].]]
 
Acomençament de la campanha còntra lei [[Jungars]] qu'èra la consequéncia de la crisi de succession de [[1752]] entre lei princes [[Dawachi]] e [[Amursana]]. Aprofichant la demanda d'ajuda dau segond per sometre un pòble fòrça agitat, l'emperaire [[Qianlong]] mandèt una armada dirigida per lo generau Zhaohui e sostenguda per [[Amursana]] e divèrsei caps ostils a [[Dawachi]]. Après una tiera d'escaramochas, lei Chinés agantèron lo còr dau territòri jungar e [[Dawachi]] foguèt obligat de capitular. Per s'assegurar lo contraròtle de la region e afeblir lei [[Jungars]], [[Qianlong]] nomèt quatre khans — egaus entre elei — per lei dirigir sota sa senhoriá. [[Dawachi]] e [[Amursana]] faguèron partida dei khans. Pasmens, aquò mau contentèt [[Amursana]] que revendicava la totalitat dau poder (→ [[1756]]).
 
=== Arts ===