Après la disparicion de [[Juan Vicente Gómez]], lo [[generau]] [[Eleazar López Contreras]] venguèt cap de l'Estat. Adoptèt un programa de [[liberalisme|liberalizacion]] e foguèt oficialament elegit president. Après un brèu periòde de [[Libertat (filosofia)|libertat]] (liberacion de presoniers politics, retorn d'[[exili|exilats]], organizacion de [[sindicat]]s e de grèvas[[grèva]]s... etc.), venguèt pus autoritari. En [[1941]], foguèt remplaçat per lo [[generau]] [[Isaías Medina Angarita]] que demorèt president fins a [[1945]]. Durant la màger part de la [[Segonda Guèrra Mondiala]], mantenguèt una [[neutralitat (diplomacia)|neutralitat]] de façada permetent ais [[USA|Estats Units]] d'estacionar de tropas sus lo territòri veneçolan per protegir lei jaciments de [[petròli]] e lei [[pòrt]]s còntra lei [[sosmarin]]s [[Alemanha|alemands]]. Declarèt finalament la guèrra — formalament — a l'Axe en febrier de [[1945]] per rejónher lei negociacions regardant l'après guèrra. Sa succession causèt un conflicte entre plusors candidats. Lo 18 d'octòbre de [[1945]], l'impossibilitat de trobar una solucion entraïnèt un còp d'estat militar.
