Veneçuèla : Diferéncia entre lei versions

En [[1899]], [[Cipriano Castro]], un [[militar]] dei regions de l'oèst, se revoutèt e intrèt dins la [[capitala]] en octòbre. Elegit president en [[1902]], assaièt de luchar còntra la dominacion estrangiera — lei [[Reialme Unit|Britanics]] avián lo contraròtle dei [[pòrt]]s, leis [[USA|Estatsunidencs]] de l'industria petroliera e leis [[Alemanha|Alemands]] dau rèsta de l'economia — mai deguèt premier combatre divèrseis insureccions militaras, generalament sostengudas per de companhiás estrangieras. Puei, après la pacificacion dau país en [[1903]], foguèt obligat de faciar un blocus organizat per lo [[Reialme Unit|Reiaume Unit]] e [[Alemanha]] a prepaus dau pagament dau deute nacionau veneçolan. Una mission [[diplomacia|diplomatica]] [[USA|estatsunidenca]] permetèt d'obtenir la levada dau blocus mai una darriera crisi navala opausèt [[Cipriano Castro|Castro]] ai [[Païses Basses|País Bas]] en [[1908]]. Pasmens, la meteissa annada, lo generau [[Juan Vicente Gómez]] aprofichèt un viatge dau president en [[Euròpa]] per organizar un [[còp d'estat]] e prendre lo poder.

 

 

==== Lo periòde Contreras-Angarita ====