La '''Guèrra de 1812''' es un conflicte qu'opausèt leis [[Estats Units d'America]] a l'[[Reiaume Unit|Anglatèrra]] dau 18 de junh de [[1812]] au 12 de febrier de [[1815]]. Desirós d'aprofichar la mobilizacion dei principalei fòrças [[Reialme Unit|britanicas]] còntra la [[França]] [[Napoleon BonapartaBonaparte|Napoleonenca]], lo [[govèrn]] [[USA|estatsunidenc]] assaièt d'ocupar [[Canadà]]. Pasmens, sostenguts per leis abitants de sei [[colonialisme|colonias]] canadencas, compres lei [[francés|francofòns]] de [[Quebèc]], lei Britanics capitèron d'arrestar leis ofensivas estatsunidencas ([[Batalha de Châteauguay|Châteauguay]], [[Batalha dau mas Crysler|mas Crysler]]). Menèron tanben divèrseis incursions navalas lòng dau [[litorau]] ([[incendi de Washington]]). Dins aquò, lei còntra-ofensivas britanicas s'acabèron generalament per de reviradas ([[Batalha de Baltimore|Baltimore]], [[Batalha de La Nòva Orleans|La Nòva Orleans]]). En [[1815]], ambé la fin dei guèrras napoleonencas, lei dos camps negocièron una patz basada sus la restauracion dau ''[[statu quo ante bellum]]''.
