Portugal : Diferéncia entre lei versions

A l'eissida de la [[Segonda Guèrra Punica]] ([[-218|218]]-[[-201|201 av. JC]]), [[Roma]] expulsèt lei [[Civilizacion cartaginesa|Cartaginés]] de la [[Peninsula Iberica]]. En causa de son interès economic e estrategic, decidèt rapidament de la conquistar a son torn. Lei [[legion romana|legions]] se turtèron a una resisténcia acarnada mai l'influéncia romana venguèt rapidament fòrta. Un episòdi important d'aquela conquista foguèt la revòuta dau Lusitanian [[ViriatusViriat]], considerat coma lo reire dei Portugués actuaus, que comencèt en [[-147|147 av. JC]] e s'acabèt per son [[assassinat]] en [[-139|139 av. JC]]. Capitèt d'infligir plusors desfachas ai Romans e sa disparicion rompèt la resisténcia lusitaniana. En [[-133|133 av. JC]], [[Roma]] aviá somes tota la [[peninsula]]. L'instauracion de la ''[[Pax Romana]]'' entraïnèt l'abandon deis abitats [[fortificacion|fortificat]]s au profiech d'una installacion dins lei plans. Aquela migracion es a l'origina de la fondacion dei [[vila]]s de [[Braga]] (Bracara Augusta), de [[Chaves]] (Aquae Flavia) ò de [[Beja]] (Pax Iulia). Un ret rotier foguèt tanben bastit e la cultura romana se difusèt largament fins a l'afondrament de l'[[Empèri Roman d'Occident]].