Brunei : Diferéncia entre lei versions

Après la [[mòrt]] de [[Muhammad Hassan]], lei dificultats aumentèron amb una multiplicacion dei crisis de succession e de revòutas lòng dau [[litorau]] de [[Bornèo]]. De mai, la creacion de comptadors comerciaus per lei poissanças [[colonialisme|colonialas]] modifiquèt lei rets marchands e afebliguèt pauc a pauc l'economia dau sultanat. En [[1658]] ò en [[1703]], Brunei donèt au [[Sultanat de Sulu]] l'extrèm nòrd de [[Bornèo]] en remerciament de son ajuda militara per reprimir una rebellion.

 

Pasmens, la situacion agravèt dins lo corrent dau sègle XIX quand un aventurier [[Reialme Unit|britanic]] dich [[James Brooke]] foguèt nomat en [[1841]] governador dau [[pòrt]] de [[Kuching]] après sa victòria còntra una insureccion locala. I fondèt la dinastia dei [[Rajàs Blancs]] e lo [[Reiaume de Sarawak]]. En [[1846]], obtenguèt la plena sobeiranetat de part de Brunei e acomencèt d'estendre son territòri, principalament au detriment de son ancian senhor. Son fiu [[Charles Brooke]] contunièt son òbra e, en [[1890]], Brunei èra reduch au relarg de sa [[capitala]] e au nòrd extrèm de l'illa onte lo [[Sultanat de Sulu]] aviá jamai establit son autoritat d'un biais permanent.