Mongolia : Diferéncia entre lei versions

Contengut suprimit Contengut apondut
Linha 161 :
 
==== Lei Jungars e la conquista chinesa ====
 
Dins lo corrent de la premiera mitat dau sègle XVII, lei [[Jungars]], una tribü mongòla eissida deis Oirat, fondèron un [[Empèris nomadas|empèri nomada]] en [[Tarbagatai]]. Dominèron l'[[estèpa]] d'[[Asia Centrala]] e venguèron pron poderós per intervenir dins leis afaires intèrnes de [[Tibet]] en [[1642]] e de la region de [[Kachgar]] en [[1677]]. Puei, ataquèron lei Mongòls Orientaus, çò qu'accelerèt son raliment ai [[Manchoria|Manchós]]. En [[1696]], lei Jungars foguèron batuts per lei fòrças de l'emperaire [[Kangxi]] ([[1661]]-[[1722]]). Pasmens, lei Jungars poguèron se retirar dins l'[[estèpa]].
 
Au començament dau sègle XVIII, organizèron d'atacas novèlas còntra [[Republica Populara de China|China]] e [[Tibet]]. En [[1717]], prenguèron e pilhèron [[Lhassa]]. I demorèron fins a [[1720]] avans d'èsser desalotjat per una còntra-ataca chinesa. Pasmens, aquela desfacha demeniguèt gaire lo potenciau militar jungar que representèt una menaça seriosa per la [[dinastia Qing]] fins a una crisi de succession en [[1745]]. A partir d'aquela [[annada]], lei Jungars se devesiguèron e foguèron exterminats per lei Chinés en [[1757]]. Son territòri foguèt tornat poblar ambé de populacions [[islam|musulmanas]].
 
==== Lo periòde Qing ====