Mongolia : Diferéncia entre lei versions

A la fin dau sègle XVI, lei [[Manchoria|Jurchens]] restaurèron sa poissança anciana. Capitèron rapidament de formar d'alianças solidas ambé mai d'una tribü mongòla, especialament au sen dei Mongòls Meridionaus, a partir de [[1627]]. En [[1634]], lo khan [[Manchoria|manchó]] [[Abahai]] venquèt lo khan [[Ligdan]] qu'assaiava d'establir son poder sus lo rèsta dau pòble mongòl. Aquela victòria li permetèt d'obtenir lo raliment de la màger part dei Mongòls ai [[Manchoria|Jurchens]] e lo sagèu imperiau de la [[dinastia Yuan]]. Ansin, lei Mongòls Meridionaus faguèron partida de l'armada manchó e participèron a la fondacion de l'[[Dinastia Qing|Empèri Qing]].