Mongolia : Diferéncia entre lei versions

La [[dinastia Yuan]] gardèt lo poder en [[Republica Populara de China|China]] fins a [[1368]] e son expulsion per una revòuta dirigida per la [[dinastia Ming]]. Lei Yuans assaièron d'utilizar Mongolia per organizar la reconquista de [[Republica Populara de China|China]] mai foguèron tornarmai vencuts. Aquela revirada marquèt l'abaissament dei descendents de [[Genghis Khan]] que foguèron remplaçats per lei Mongòls Occidentaus ò Oirat. Dins lo corrent dau sègle XV, leis Oirat ataquèron lo [[Khanat de Chagatai]] e l'[[Dinastia Ming|Empèri Ming]]. Aquò entraïnèt lo renfòrçament de la [[Granda Muralha de China|Granda Muralha]]. Pasmens, la poissança oirat declinèt rapidament car poguèt pas redurre l'ostilitat persistenta dei Mongòls Orientaus. De mai, se devesiguèron entre elei.

 

 

Dins lo corrent dau sègle XVI, lei tribüs mongòlas orientalas se redreiçèron e venguèron tornarmai una poissança militara seriosa durant lei rèines de [[Dayan Khan]] ([[1480]]-[[1543]]) e d'[[Altan Khan]] ([[1543]]-[[1583]]). Capitèron de luchar victoriosament còntra la primautat oirat e de menar d'incursions còntra lo territòri [[Republica Populara de China|chinés]]. Lei Mongòls ocupèron d'un biais solid lei regions au [[nòrd]] de la [[Granda Muralha de China|Granda Muralha]], çò qu'es a l'origina dei poblaments mongòls actuaus en China Septentrionala. Après una tiera de victòrias, [[Altan Khan]] obtenguèt de privilègis comerciaus fòrça importants en [[1570]]. Fondèt alora la vila de [[Hohhot]] en [[1581]] que venguèt sa [[capitala]].

 

Una autra evolucion liada au periòde de redreiçament dei rèines de [[Dayan Khan]] e d'[[Altan Khan]] foguèt la conversion dei Mongòls au [[bodisme]]. D'efèct, a partir dau sègle XVI, de liames importants se desvolopèron entre Mongòls e [[Tibet]]ans. En [[1566]], lei premierei conversions aguèron luòc dins lei clans pus meridionaus. Puei, en [[1578]], un rescòntre entre [[Sonam Gyatso]] e [[Altan Khan]] permetèt au premier d'obtenir lo títol de [[dalai-lama]] e la conversion dau khan e au segond d'èsser reconegut coma [[reïncarnacion]] de [[Kubilai]]. A partir d'aquela [[annada]], lo [[bodisme]] [[Bodisme vajrayana|vajrayana]] venguèt la [[religion]] deis elèits que l'impausèron au pòble.