Mongolia : Diferéncia entre lei versions
Contengut suprimit Contengut apondut
Linha 121 :
[[Genghis Khan]] ò « khan universau » èra un títol donat en [[1206]] a un cap mongòl dich [[Genghis Khan|Temudjin]] nascut dins lo corrent deis annadas 1150 ò 1160. A la fin dau sègle XII, aviá capitat de reünir lo pòble mongòl sota son autoritat. Totjorn en [[1206]], someteguèt tanben leis [[Uigurs]] que sei letruts formèron lei premiers personaus administratius mongòls e foguèron cargats de l'educacion intellectuala dei fius de l'elèit mongòla. Enfin, dotèt son pòble d'una [[lei|lèi]] estricta que favorizèt la disciplina e l'obeïssença ai caps. Formada de soudats disciplinats, fòrça mobils gràcias ai capacitats fisicas excepcionalas dei [[chivau]]s de l'[[estèpa]] e tenent una poissança de fuòc quasi inegalada gràcias ais [[arc]]s composits caracteristics dei [[Empèris nomadas|pòbles nomadas]], l'armada mongòla agantèt ansin una fòrça encara desconeguda dins l'[[Istòria]].
A partir de [[1209]], [[Genghis Khan]] acomencèt la conquista dei territòris vesins. Ataquèt premier lei [[Tanguts]] mai maugrat mai d'una victòria, poguèt pas prendre lei [[vila]]s. Lei [[Tanguts]] poguèron donc negociar la partença dei Mongòls en cambi d'una aliança per sei projèctes futurs d'expansion. En [[1211]], foguèt lo torn dei [[Dinastia Jin|Jins]] de venir la buta deis atacas mongòlas. Pasmens, en despiech de plusors desfachas e de la pèrda de [[Pequin]], capitèron de resistir a partir dau [[sud]] de son reiaume.
En [[1218]], lei [[Dinastia Jin|Jins]] foguèron sauvats per l'execucion d'una ambaissada mongòla per lo sultan de [[Khwarezm]]. D'efèct, aquò entraïnèt una intervencion generala de l'armada mongòla en [[Asia Centrala]] en [[1219]]-[[1220]]. [[Khwarezm]] foguèt ravatjat e plusors [[vila]]s qu'avián assaiat de resistir foguèron pilhadas e cremadas. En [[1221]], la màger part de [[Khwarezm]] èra conquistat e [[Genghis Khan]] s'entornèt en Mongolia. I preparèt una campanha novèla còntra lei [[Tanguts]] qu'avián refusat de l'ajudar còntra [[Khwarezm]]. Après doas [[annada]]s de resisténcia, foguèron batuts e annexats a l'[[Empèri Mongòl]]. [[Genghis Khan]] [[mòrt|moriguèt]] la meteissa [[annada]].
==== Lo rèine d'Ogodei ====
| |||