Tailàndia : Diferéncia entre lei versions
Contengut suprimit Contengut apondut
Linha 70 :
==== La formacion de Siam ====
Segon la tradicion, lei caps de clan tais s'afranquiguèron de la senhoriá [[Cambòtja|khmer]] en [[1238]] e elegiguèron un rèi. Lo declin de la poissança [[Cambòtja|khmer]] e la destruccion dau reiaume de [[Nanzhao]] per lei [[Empèri Mongòl|Mongòls]] en [[1253]] accelerèron lei migracions tais vèrs lo sud. En [[1238]], foguèron ansin fondat lo [[reaiume de Sukhotai]] en [[1238]] e lo reiaume de [[Lanna]] a la fin dau sègle XIII. [[Rama Khambeng]] ([[1283]]-[[1317]]) donèt de basas solidas a l'estat de Sukhotai ambé la somission dei Mons dau bacin de [[Menam]] e una expansion territòriala vèrs l'[[èst]] e lo [[sud]] au detriment de l'[[Empèri Khmer]]. A mesura que sei tropas avancèron, son reiaume adoptèt lo modèl politic [[Cambòtja|khmer]] e la cultura dei Mons, en particular lo [[bodisme]] [[bodisme theravada|theravada]]. Puei, dins lo corrent dei sègles seguents, lei Khmers e lei Mons d'aquelei regions foguèron assimilats per lei populacions tais.
En [[1350]], una [[capitala]] novèla, [[Ayuthia]], foguèt fondada per un prince que se proclamèt rèi sota lo nom de [[Ramathibodi Ièr|Ramathibodi I{{èr}}]] ([[1350]]-[[1369]]). Aquò foguèt l'acte de creacion de Siam (que prenguèt per la seguida lo nom de Tailàndia en [[1939]]). Lei fòrças d'Ayuthia annexèron lo [[reaiume de Sukhotai]] dins lo corrent deis annadas 1430 e conquistèron [[Angkor]] en [[1431]]. En revènge, mau capitèron de conquistar [[Lanna]] e deguèron conclure la [[patz]] ambé lo [[Sultanat de Malacca]], poissança comerciala dominanta dins la [[Peninsula Malaia]], dins lo corrent deis annadas 1450. Durant lo rèine de [[Trailok]] ([[1448]]-[[1488]]), lo reiaume se dotèt d'una administracion centralizada que venguèt un factor important d'estabilitat intèrna.
Au sègle seguent, lei Siamés deguèron se defendre còntra leis ambicions dei [[Birmania|Birmans]] qu'èran venguts una poissança importanta a l'oèst. Dins lo corrent deis annadas 1560, agantèron [[Ayuthia]] ont installèron un principat [[vassal|vassau]]. Pasmens, foguèron rebutats a partir de [[1584]] per lo prince puei rèi [[Naresuen]] ([[1590]]-[[1605]]). Aqueu darrier capitèt tanben d'infligir una desfahca ai [[Cambòtja|Khmers]] qu'avián restaurat una partida de sa poissança anciana. En particular, en [[1594]], conquistèt [[Lovek]], capitala de l'[[Empèri Khmer]] dempuei la casuda d'[[Angkor]], e impausèt sa senhoriá sus lo país. Fòrça importanta, aquela victòria marquèt l'acomençament d'un lòng periòde de [[patz]] que durèt fins au sègle XVIII.
==== L'expulsion deis Europèus ====
| |||