Cambòtja : Diferéncia entre lei versions
Contengut suprimit Contengut apondut
Linha 73 :
==== Lo protectorat francés ====
[[File:Indochina Francesa - Organizacion territòriala.png|thumb|Organizacion territòriala de l'[[Indochina Francesa]].]]
Interessats tre leis annadas 1840 per [[Indochina]], lei Francés aprofichèron lei dificultats intèrnas de [[Republica Populara de China|China]] per establir un [[protectorat]] sus la region. D'efèct, l'endrech interessava la [[marina militara|marina]] e lei missions [[França|francesas]] dempuei la premiera mitat dau sègle XIX. Ansin, dins lo corrent deis annadas 1840-1850, missions e demonstracions de fòrça — generalament per liberar de missionaris arrestats per leis autoritats [[vietnam]]ianas — se succediguèron fins a la conquista de [[Saigon]] en [[1859]]. Puei, entre [[1862]] e [[1867]], l'emperaire [[Tu Duc]] deguèt abandonar [[Cochinchina]] ai [[França|Francés]]. L'ensems venguèt una [[colonialisme|colonia]].
En Cambòtja, aquò creèt una situacion novèla car, se [[Tailàndia|Siam]] tornèt afirmar sa senhoriá sus lo país, [[França]] prepausèt en [[1863]] son [[protectorat]] au rèi [[Norodom]] qu'acceptèt. Incapable de s'opausar a la poissança militara [[França|francesa]], [[Tailàndia|Siam]] deguèt renonciar a sei revendicacions en [[1867]]. De son caire, [[Norodom]] assaièt d'aprofichar la preséncia francesa per modernizar son reiaume. Capitèt de desplaçar la [[capitala]] a [[Phnom Penh]] mai seis autrei reformas se turtèron au [[conservatisme]] de l'[[aristocracia]].
En [[1884]], aqueu blocatge politic entraïnèt una intervencion dirècte dei Francés que placèron ''de facto'' lo protectorat sota la direccion de foncionaris francés. En [[1887]], Cambòtja foguèt integrat au sen de l'[[Indochina Francesa]]. Pasmens, aquò li permetèt de tornar trobar sei [[frontiera]]s ancianas car [[Tailàndia|Siam]] deguèt totei lei territòris annexats dempuei [[1795]]. Per lo rèsta, l'esplecha coloniala foguèt limitada car lo país aviá pauc de ressorsas susceptiblas d'interessar la metropòli. Ansin, l'administracion foguèt subretot fisada a de foncionaris vietnamians e lo contraròtle dau comèrci foguèt laissat a de marchands [[Republica Populara de China|chinés]]. La formacion d'una elèit khmer occidentalizada foguèt lònga e foguèt pas una realitat avans leis annadas 1930.
==== L'independéncia ====
| |||