Jacques Boisgontier : Diferéncia entre lei versions

Contengut suprimit Contengut apondut
Sivadon 1949 (discussion | contribucions)
→‎Òbras : correccions
Sivadon 1949 (discussion | contribucions)
ròtle dens l'occitanisme
Linha 4 :
Jacques Boisgontier (sembla que jamèi occitanizèt son petit nom, au mens a l'escrit), neishut a [[Bordèu]] lo 17 de julhet 1937. Son pair, cortièr en vins e espiritós, que trabalhèt vint ans per la cava cooperativa de Senta Crotz deu Mont, èra d'una familha d'origina normanda; la familha de sa mair, neishuda Lauga, venè deus Pirenèus ([[Tarba]]) e de l'[[Entre Duas Mars]]. La familha vivè a Bordèu, rua ''des Belles-Îles''. Passèt son escolaritat a la pension Sent Genès, pui au licèu Montanha<ref>http://www.letrasdoc.org/livAut-Boisgontier-33-0-0-0-0.html.</ref>.
 
Vengut professor d'espanhòl après los estudis a l'Universitat de Bordèu, ensenhèt a [[Morencs]], puèi a [[Aush]]. Quitèt l'ensenhament segondari per venir au còp cargat de cors d'occitan a l'Universitat de Bordèu (1969) e assistent a la de [[Peitieus]]. Entrèt au ''Laboratoire d'Etudes Meridionales'' deu CNRS, a [[Tolosa]] en 1975 après una carrièra de cercaire plan entamenada, per exemple sa collaboracion coma enquestaire a l'''Atlas Linguistique du Languedoc occidental'' (ALLOc); comencèt coma assistent de recèrcas, puèi passèt engenhaire d'estudis. Morit deu cancèr a [[Cabrièiras (Erau)]] lo 27 de heurèir 1998<ref>Félix Arnaudin, Dictionnaire de la Grande-Lande, Parc Naturel Régional des Landes de Gascogne, Edicions Confluences, 2001, vita e bibliografia per Francés Pic, paginas XII-XV.</ref>.
 
==Òbras==
Linha 32 :
*Articles per ''Via Domitia'', Lo Gai Saber
*Hommage à Christian Anatole (1937-1987), [[Besièrs]], 1988, per lo Centre Internacional de Documentcion occitana, adara [[Centre Interregional de Desvolopament de l'Occitan]]<ref>Félix Arnaudin, Dictionnaire de la Grande-Lande, Parc Naturel Régional des Landes de Gascogne, Edicions Confluences, 2001, vita e bibliografia per Francés Pic, paginas XII-XV,</ref><ref>http://www.letrasdoc.org/livAut-Boisgontier-33-0-0-0-0.html</ref>.
 
==Una preséncia activa e discrèta dens l'occitanisme==
L'òbra de Jacques Boisgontier se limita pas a sas publicacions. Trabalhèt sus plan de subjèctes sense publicar sos tèxtes, que furen sovent trobats après sa mòrt. En mèi d'aquò, òme pauc coneishut deus occitanistas sustot après que entrèt au CNRS, avè una activitat militanta discrèta, puei que aimava probablament mèi los contactes personaus que non pas los discors publics, mès eficaça. Ajudava generosament de sos conselhs los joves cercaires. Per modestia, signava pas totjorn sos trabalhs : la Tresena Garba dels Contes de Gasconha de Blader pòrta la mencion " Edicion adobada per J. B.***", mès ren dens las duas prumèiras ha pas saber son ròtle.
 
Tanlèu las annadas 50 e 60, vengut amic de [[Jacme Taupiac]], de Cristian Anatòle, rencontrèt e trabalhèt damb plan d'occitanistas dont l'equipa de [[Per Noste]]. Fut Secretari generau de l'[[Institut d'Estudis Occitans]] en 1965. Autorn de las annadas 1965-1970, collaborava a la sortida de quasi tots los libres publicats per l'I.E.O., dont lo Gojat de Noveme (1964), lo Dictionnaire Occitan-Français de [[Loís Alibèrt]] en 1966 e lo Libre del Campestre d'[[Antonin Perbòsc]]. Assegurava la correccion lingüistica dels ''Cahiers pédagogiques'' de l'IEO.
 
En 1964 a [[La Vit]] de Lomanha, damb Andrèu Dupuy, Jacme Taupiac e Robèrt Bouan, fondèt l'ostau d'edicions Lo Libre Occitan. En 1975 a [[Besièrs]], participèt a la fondacion del Centre internacional de Documentacion occitana (CIDO), vengut adara lo CIRDÒC (Centre Interregional de Desvolopament de l'Occitan)<ref>Félix Arnaudin, Dictionnaire de la Grande-Lande, Parc Naturel Régional des Landes de Gascogne, Edicions Confluences, 2001, vita e bibliografia per Francés Pic, paginas XII-XV,</ref><ref>http://www.letrasdoc.org/livAut-Boisgontier-33-0-0-0-0.html</ref>.
 
==Nòtas e referéncias==