L'''amnistía''' (del [[grèc]] ''amnestia'', oblit) es una causa d'escandilhament de la responsabilitat penala. Es un acte juridic, normalament emanat del poder legislatiu, pel qual una pluralitat d'individus qu'èran estats declarats copables d'un [[delicte]] passan a se considerar innocents per la desaparicion de la figura delictiva. A diferéncia de la gràcia, qu'extinguísatuda la responsabilitat penala en agir sus lo [[puniment]] derivat d'un [[delicte]] (la persona seguís en èssent copabla, mas se li a perdonat lo compliment del [[puniment]]), l'amnistia agís sul [[delicte]] el meteis. Per aquò, l'amnistia a generalament d'efèctes retroactius e atuda tota responsabilitat penala o civila e anulla los antecedents penals. Pel metis motiu, agís generalament sus totes los que cometeron lo [[delicte]], e non pas suls individus concrèts. L'amnistia supausa un jutjament de valor nòvel sus la convenença de proïbir o sancionar una conducta. Per aquesta rason, las [[lei]]s o actes d'amnistia son pus frequents dins de moments de cambiaments socials o de regims politics e, en ocasions, s'assòcia al perdon de preses politics. Çaquelà, son plec pòt èsser objècte de polemica, per que pòt provocar l'impunitat dels que cometeron grèus faches pendent un regim anterior.
