|
[[Platon]] defendèt la nocion dins aqueles dels seus dialògs<ref>Platon, ''FEdon'', 81b ; ''Menexèn'', 81a ; ''La Republica'', 614 ss. ; ''Fèdre'', 248d ; ''Gorgias'', 525c.</ref>. Las tres espècias de metempsicòsi prepausadas correspondon a las tres partidas que Platon distinguís dins l'arma: quand l'apetit (''epithumia'') domina i a reencarnacion dins d'animals licencioses, quand es l'agressivitat (''thumos'') dins de bèstias de presas, quand es la partida rasonabla (''logistikon'') dins d'animals gregaris (''Fedon'', 82 ; ''La Republica'', IV, 439-441).
La [[cabala]] admet la metempsicòsi, que nomena ''gilgol''. "La cabala, dins lo ''[[Sefer ha-BahirhaBahir]]'' (fin del sègle XII), son tèxte mai ancian, ten ja la transmigracion per aquerida... Al sègle XIII, la transmigracion èra considerada coma una doctrina esoterica... La generalizanion del concèpte de transmigracion, d'en primièr limitat al castig de pecats particulièrs, contribuèt a l'apareisson de la cresença en una transmigracion dins los animals, veire dins las plantas e dins las matèras anorganicas. Aquel punt de vista, contestat per fòrça cabalistas, s'espandiguèt pas qu'aprèp de 1400. La transmigracion dins los còrs d'animals es mencionada pel primièr còp dins lo ''Sefer ha-Temurah'', eissit d'un grop pròche dels cabalistas de Girona<ref>{{fr}}Gershom Scholem, ''La kabbale'' (1974), trad., Gallimard, coll. "Folio essais", 2005, p. 521-530).</ref>" "Isaac Luria, grand mèstre cabalista de Safed al sègle XVI, diguèt aver reconegut l'arma d'un paire incestuós dins lo còrs d'un grand can negre... Nahman de Bratslav [mòrt en 1811] ditz èsser l'anèl mai recent d'una cadena de reencarnacions d'una arma apareguda d'en primièr dins lo còrs de Simon bar Yohaï, passant enseguida per Isaac Luria e anant, aprèp el, fins al Messias<ref>{{fr}}Jacques Attali, ''Dictionnaire amoureux du judaïsme'', Plon/Fayard, 2009, p. 95, 338.</ref>"
L'[[Islam]] [[druze]] e lo [[yezidisme]] intègran tanben la metempsicòsi.
|
