Ròca : Diferéncia entre lei versions

Contengut suprimit Contengut apondut
Erunberri (discussion | contribucions)
Cap resum de modificació
Linha 15 :
Dins lei zònas de divergéncia, se forma una [[crosta terrèstra|crosta]] [[ocean]]ica novèla formada de ròcas eissidas de la [[solidificacion]] dau [[magma]] vengut dau mantèu. Dins lei zònas de convergéncia, doas situacions diferentas pòdon aver luòc en foncion de la natura dei [[Placa tectonica|placas]] qu'interagisson. Se lei doas son de tipe [[ocean]]ic, un arc [[volcan]]ic pòu se formar ([[Japon]], [[Illas Aleutianas|Aleutianas]]... etc.). En revènge, s'una [[Placa tectonica|placa]] (ò lei doas) es de tipe [[continent]]au, la collision possa dei massas de materiaus en aut e en bas. Dich [[orogenèsi]], aqueu fenomèn es a l'origina de plegaments de la [[crosta terrèstra|crosta]] e de la formacion de cadenas [[montanha|montanhosas]]. A la superficia [[Tèrra|terrèstra]], lei ròcas son expausadas a l'[[erosion]] [[fisica]] ò [[quimica]] per d'agents exogèns e acomençan de se desagrejar.
 
Lei fragments dei ròcas dislocadas son transportats per lei [[riu]]s dins lei [[val|vaus]] e dins lo corrent d'aqueu procès, forman divèrsei [[Ròca sedimentària|sediments]] en foncion de sei caracteristicas, de sa talha e de l'endrech onte s'arresta lo transpòrt ([[riu]], [[lac]], [[mar]]... etc.). En parallèl, dins lei zònas de convergéncia, lei fòssas oceanicas s'emplisson tanben a cha pauc de sediments. Son alora implicats dins lo procès de cabussada de la placa e son somes a de condicions de [[pression]] e de [[temperatura]] importantas. Aquò entraïna de transformacions [[minerau|mineralogicas]] au sen dei ròcas que son intensitat aumenta ambé la [[pression]] e la [[temperatura]]. Lei ròcas ansin transformadas son dichas [[Ròca metamorfica|metamorficas]]. La cabussada pòu pereu entraïnar la [[fusion]] de certanei ròcas que van alora remontar en direccion de la superficia. Se l'agantan, pòdon causar la formacion de [[Ròca volcanica|ròcas volcanicas]] ò [[Ròca piroclastica|piroclasticas]] e se demoran dins la crosta, van se refrejar lentament e se solidificar per formar de ròcas dichas [[Ròca intrusiva|intrusivas ò plutonicas]].
 
== Tipes diferents de ròcas ==