Republica d'Irlanda : Diferéncia entre lei versions
Contengut suprimit Contengut apondut
Linha 138 :
En [[1169]], un grop de [[chivalier]]s anglonormands venguts dau [[País de Galas]] desbarquèron en [[Irlanda]] e ne'n comencèron la conquista. Lo rèi [[Enric II d'Anglatèrra|Enric II]] se faguèt reconóisser coma senhor — nominau — de l'expedicion e obtenguèt lo títol de « senhor d'Irlanda » que venguèt per la seguida la basa dei revendicacions anglesas sus l'[[illa]]. Leis envasseïres capitèron de conquistar de fèus importants au detriment dei caps [[cèltas]] que mau capitèron de formar una aliança comuna per se defendre. Pasmens, mens nombrós, lei venceires adoptèron pauc a pauc lei costumas gaëlicas e s'integrèron dins la societat tradicionala. Per arrestar aquela evolucion que menaçava son poder dins l'[[illa]], lo rèi [[Edoard III d'Anglatèrra|Edoard III]] obtenguèt lo vòte deis [[estatuts de Kilkenny]] ([[1366]]) qu'enebiguèron l'adopcion dei mors gaëlics per leis abitants d'origina [[Anglatèrra|anglesa]]. Pasmens, l'aplicacion d'aquela lèi aguèt solament luòc dins la region pròcha Dublin (dicha ''Pale'' car protegida per una palissada).
==== Irlanda sota lei Tudors ====
Au sègle XVI, l'[[illa]] conoguèt de transformacions importantas en causa de la politica [[religion|religiosa]] d'[[Enric VIII d'Anglatèrra|Enric VIII]]. D'efèct, en [[1536]], lo rèi se proclamèt cap de la Glèisa d'Irlanda e en [[1541]], prenguèt lo títol de rèi d'Irlanda. Pasmens, sa politica opausada au [[papa]] se turtèt au [[catolicisme]] dei senhors, tant [[cèltas]] qu'anglonormands, e dei populacions irlandesas que se revoutèron mai d'un còp sensa succès. A partir de [[1556]], lo rèi fisèt lei tèrras deis insurgents vencuts a de [[colonialisme|colons]] [[Anglatèrra|anglés]] [[protestantisme|protestants]]. Aquò èra l'acomençament de la politica dei ''plantations'' que venguèt sistematica après cada insureccion desfacha.
Après la mòrt d'[[Enric VIII d'Anglatèrra|Enric VIII]], lei revòutas contunièron, encoratjadas per [[Felip II d'Espanha]] e per la Papautat. En [[1594]], acomencèt un movement fòrça important que foguèt a l'origina de la [[guèrra de Nòu Ans]] que s'acabèt en [[1603]] per la desfacha definitiva de l'[[aristocracia]] autoctòna d'[[Ulster]]. La màger part de la [[noblesa]] locala deguèt s'[[exili|exilar]] permetent l'implantacion d'un nombre important de [[colonialisme|colons]].
== Politica ==
| |||