1207 : Diferéncia entre lei versions
Contengut suprimit Contengut apondut
Linha 12 :
Perseguida deis operacions dei legats pontificaus còntra lo [[catarisme]]. Pasmens, lei catars contunièron de viure normalament en causa de l'abséncia de reaccion deis autoritats dau Comtat. Ansin, a la [[prima]], unei caps catars poguèron provocar un collòqui de doas setmanas a [[Montreal (Aude)|Montreal]]. Leis arbitris dei discussions refusèron de designar un venceire mai lei legats s'estimèron venceires e s'enardiguèron. Aprofichant l'arribada de monges suplementaris, se devesiguèron en grops pus pichons per visitar un nombre pus important de vilatges. Venguèron ansin pus malaisats de susvelhar e, en abriu, lo legat [[Pèire de Castelnòu]] poguèt arribar en dessobte a [[Tolosa]] per i prononciar l'excommunicacion de [[Ramon VI de Tolosa]] e l'interdich sus sei territòris.
=== [[França]] ===
A la prima, represa de la guèrra en [[Peitau]] còntra [[Anglatèrra]] en abriu. Lo pretèxte foguèt divèrseis accions de guèrra entrepresas per lei senhors peitavins. Pasmens, l'expedicion francesa donèt una amplor novèla ais escaramochas localas. La region de [[Thouars|Toars]] foguèt ansin durament pilhada sensa entraïnar de reaccion militara dau rèi d'[[Anglatèrra]].
Pasmens, l'annada foguèt donc subretot centrada sus lei relacions ambé lo papa [[Innocenci III]] que voliá organizar una [[crosada]] còntra l'eresia [[catarisme|catara]] e qu'èra totjorn opausat a la rompedura dau maridatge de [[Felip II de França|Felip II]] e d'[[Ingeborg de Danemarc]]. Ja pauc desirós de laissar lo papa intervenir dins leis afaires intèrnes de [[França]] — en despiech de son independéncia ''de facto'', lo [[Comtat de Tolosa]] ne'n fasiá nominalament partida — lo rèi foguèt irritat per l'afaire de son maridatge e refusèt de sostenir lo projècte papau (→ [[1208]]).
=== Euròpa ===
| |||