Crisi politica grèva entraïnada per la decision dau president [[Alberto Fujimori]] de se presentar un tresen còp ais eleccions presidencialas, çò qu'èra defendut per la constitucion. Lo 28 de julhet, [[Alberto Fujimori|Fujimori]] ([[Peró 2000]], 51,20%)) foguèt elegit aisament còntra [[Alejandro Toledo]] ([[Peró Possible]], 17,68%) mai l'amplor dei sufragis nuls (mai de 30%) e la participacion febla minèron sa legitimat. De mai, obtenguèt pas la majoritat au Congrès e lo cambiament de camp de plusors deputats en sa favor entraïnèt un escandòl de [[corrupcion]] suplementari e de trèbols dins lo país. Pasmens, entre lo 13 e lo 16 de novembre, lo Congrès aprofichèt un viatge en [[Brunei]] dau president per vòtar la desfisança. Lo 17, Fujimori s'enfugiguèt en [[Japon]]<ref>A partir de [[2003]], foguèt accusat de divèrsei crimes grèus (crimes còntra l'Umanitat, assassinats, corrupcion... etc.) per la justícia peroviana e condamant a 25 ans de preson en [[2009]].</ref> e desmissionèt seguit per son [[govèrn]] dos jorns pus tard. Un acòrd foguèt alora trobat entre lo Congrès e lo segond vice-president per organizar d'eleccions en [[2001]].
