1291 : Diferéncia entre lei versions

Perseguida e fin dau [[Sètge de Sant Joan d'Acre (1291)|sètge d'Acre]] que foguèt conquistat lo 28 de mai. Una partida importanta deis abitants capitèt de s'escapar gràcias a la resisténcia acarnada de la fortalesa dei Templiers mai la batalha demorava una victòria majora per lei [[Mamelocs]]. D'efèct, Acre èra la darriera vila importanta tenguda per lei Crosats en [[Palestina]]. Après aqueu succès, la garnison franca de Tir negocièt sa capitulacion en cambi de sa libertat, Sidon foguèt evacuada per seis abitants e abandonada per lei Templiers, [[Beirot]] durbiguèt sei pòrtas sensa combatre — pasmens, leis abitants foguèron reduchs en esclavatge e lei Templiers chaplats — e [[Tortosa]] foguèt abandonada per sei defensors. [[Gibelet]] e l'illa pichona d'Aruad que son senhor èra un amic personau dau sultan demorèron lei darrierei possessions crestianas dins la region fins a son abandon definitiu en [[1302]].