Campanha sovietica de Manchoria : Diferéncia entre lei versions

La '''campanha sovietica de Manchoria''' ('''Operacion ofensiva estrategica en Manchoria''' en [[Russia]]) se debanèt dins lo corrent de la [[Segonda Guèrra Mondiala]] dau 9 d'aost au 2 de setembre de [[1945]]. Foguèt la consequéncia d'una tiera d'ofensivas [[URSS|sovieticas]] e [[Mongolia|mongòlas]] ({{formatnum:1630000}} d'òmes) còntra [[Manchoria]] qu'èra tenguda per l'armada imperiala [[japon]]esa e sei supletius dau [[protectorat]] de [[Manchokuò]] ({{formatnum:1400000}} d'òmes). Acomençada entre lei dos bombardaments atomics de Hiroshima e de Nagasaki, prenguèt lei fòrças japonesas per sospressa e entraïnèt son afondrament rapide en causa de la superioritat materiala de l'Armada Roja ({{formatnum:26000}} [[canon]]s e {{formatnum:5500}} [[carri de combat|carris]] tecnicament superiors ai {{formatnum:6000}} pèças d'[[artilhariá]] e {{formatnum:1000}} carris japonés). En mens d'una [[setmana]], lei Sovietics e lei Mongòls avancèron de 400 km. Lo 16 d'aost, jonhèron lei tropas dau Partit Comunista Chinés a [[Kalgan]] e lo 20, lo comandament japonés acceptèt de capitular sensa condicion. Pasmens, en causa de l'afondrament dei comunicacions japonesas, plusors pòchas de resisténcia contunièron de resistir. De son caire, lei Sovietics se contentèron d'enceuclar aquelei ponchs per perseguir son avançada vèrs lo sud e agantar Pòrt-Artur (23 d'aost) e lo 38{{e}} parallèl (25 d'aost).