Moçambic : Diferéncia entre lei versions

'''Moçambic''' (nom complèt : '''Republica de Moçambic''') es un [[estat]] situat lòng de la costat sud-orientala d'[[Africa]]. Es enviroutat per l'[[Ocean Indian]] a l'èst, [[Sud-Africa]] e [[Swaziland]] au sud, [[Zimbabwe]], [[Zambia]] e [[Malawi]] a l'oèst e [[Tanzania]] au nòrd. A una superficia de {{formatnum:801590}} km² e sa capitala es [[Maputo]]. Sa populacion es d'environ 25 milions d'abitants (2014) que son d'origina bantó per la màger part. Anciana colonia [[Portugal|portuguesa]] venguda independenta en 1975, es lo segond país lusofòn dau continent. Son Istòria es marcada per una guèrra civila lònga entre [[comunisme|comunistas]] e anticomunistas de [[1976]] a [[1992]]. Causèt un milion de mòrtmòrts e de degalhs fòrça importants que fan uei de Moçambic un deis estats pus paures de la planeta.

Ai sègles VIII e IX, de Bantós s'installèron lòng dau [[litorau]] de l'[[Ocean Indian]]. Li rescontrèron de marchands arabis [[islam|musulmans]] dichs Chirazis que s'interessavan au comèrci de [[fusta]], d'[[evòri]], d'[[aur]] e d'[[esclavatge|esclaus]]. Aquò favorizèt la formacion de ciutats-estats portuàrias rivalas generalament installadas dins de [[pòrt|pòrts]] naturaus ò d'endrechs dotats de defensas naturalas fòrtas (illa...). Au sègle XIII, lo mestissatge entre Chirazis e Bantós èra generalizat e l'esplecha de jaciments d'[[aur]] dins lo [[continent]] favorizèt lo desvolopament de la region. En Moçambic actuau, la vila marchanda principala èra Sofala que despendiá dau [[sultan]] de Kilwa. Èra dirigida per un governador cargat de susvelhar lo comèrci d'[[aur]] dins la vau de [[ZambèsZambèzi]].