Participacion dau govèrn dedau rèi [[Norodom Sihanouk]] a la conferéncia de Genèva e ai negociacions regardant la fin de la [[Guèrra d'Indochina]]. [[Cambòtja]] obtenguèt lo retirament dei fòrças [[França|francesas]] e [[vietnamian]]as de son territòri e deguèt tanben abandonar lei regions ocupadas dins lei país vesins. Obtenguèt pereu la desmobilizacion ò l'[[exili]] dei Khmers issarak. En revènge, de tensions apareguèron ambé lei delegacions [[comunisme|comunistas]] que volián un [[Cambòtja]] neutre e demandavan donc egalament la partença dei tropas [[USA|estatsunidencas]] estacionadas en [[Cambòtja]]. [[Phnom Penh]] refusèt aqueu retirament mai acceptèt de pas participar a una aliança militara ni d'autorizar l'installacion permanenta de tropas estrangieras sus lo sieu territòri. Enfin, leis acòrds adoptèron lo principi d'eleccions generalas en [[1955]].
