Batalha de Saipan

La batalha de Saipan se debanèt dau 15 de junh au 9 de julhet de 1944 dins lo corrent de la Segonda Guèrra Mondiala. Foguèt la consequéncia d'una ofensiva estatsunidenca (32 000 òmes còntra l'illa defenduda per una importanta garnison japonesa (31 000 òmes). L'enjòc dau combat èra lo contraròtle de l'illa de Saipan, posicion importanta de l'archipèla dei Marianas, que permetiá de bastir de basas aerianas. Lei Japonés aprofichèron lo relèu malaisat (palun, camps de cana de sucre, montanhas... etc.) per establir una defensa fòrta que resistèt plusors setmanas ais asalhidors.

Fotografia dau premier desbarcament estatsunidenc sus l'illa de Saipan.

Fotografia d'un grop de soudats estatsunidencs observant l'explosion d'una bauma.

Leis Estatsunidencs perdiguèron 16 525 òmes dins la batalha (3 426 tuats e 13 099 bleçats). Lei pèrdas japonesa foguèron pus importantas ambé 24 000 tuats durant la batalha, 5 000 suicidis de soudats refusant de capitular e 1 780 presoniers. De mai, aperaquí 10 000 civius se suicidiguèron.