Operacion Ichi-Go : Diferéncia entre lei versions

 

L''''operacion Ichi-Go''' se debanèt dins lo corrent de la [[Segonda Guèrra Mondiala]] dau 19 d'abriu au 31 de decembre de [[1944]]. Foguèt una ofensiva d'amplor menada per l'armada imperiala [[japon]]esa qu'èra destinada a durbir una rota de comunicacion ambé l'[[Indochina Francesa]] e a destrurre lei basas aerianas utilizadas per lei [[China|Chinés]] e leis [[USA|Estatsunidencs]]. En abriu e en mai, lei Japonés ataquèron donc lei tropas chinesas cargadas de protegir la posicion estrategica de [[Luoyang]] que deguèron se retirar. Puei, dins lo corrent de mai, lei Japonés ataquèron e ocupèron lei vilas de [[Changsha]], [[Hengyang]], [[Guilin]] e [[Liuzhou]].

Aquelei victòrias permetèron d'establir una liason amb [[Indochina]] e d'infligir de pèrdas duras ai Chinés ({{formatnum:300000}} combatents perduts còntra {{formatnum:100000}}). En revènge, mau capitèron d'eliminar la preséncia aeriana deis Aliats. D'efèct, leis Estatsunidencs abandonèron sei basas dau sud de [[China]] au profiech d'installacions situadas dins lei regions interioras ò dins leis [[Illas Mariannas]]. De mai, l'aumentacion rapida dau territòri ocupat per l'armada [[japon]]esa entraïnèt una dispersion plus importanta de seis unitats e melhorèt pas sa seguretat en fàcia deis atacas menadas per lei diferentei [[guerilha]]s [[China|chinesas]]. A la perfin, aquò favorizèt la [[Ofensivas chinesas de 1945|reconquista chinesa de 1945]].