Ofensiva de Prússia Orientala : Diferéncia entre lei versions

L''''ofensiva de Prússia Orientala''' se debanèt dins lo corrent de la [[Segonda Guèrra Mondiala]] dau 13 de genier au 25 d'abriu de [[1945]]. Organizada e entraïnada per lei [[URSS|Sovietics]], seis objectius èra l'eliminacion dei fòrças [[Alemanha|alemandas]] situadas au nòrd dei tropas sovieticas qu'èran a avançar en direccion de [[Berlin]] e la conquista dei pòrts de la region, especialament [[Konigsberg]]. Maugrat una resisténcia acarnada, l'ataca capitèt d'eliminar la màger dei fòrças alemandas estacionadas en [[Prússia]], especialament lei 15 divisions enceucladas dins la [[pòcha de Heiligenbeil]] (26 de genier - 29 de març de [[1945]]), la [[garnison]] de Konigsberg (genier - 9 d'abriu de [[1945]]) e lei tropas blocadas dins la [[peninsula]] de [[Sambia]]. Pasmens, certaneis unitats de la ''Wehrmacht'' capitèron de resistir fins a la fin de la guèrra dins la lòna de Vistula. De mai, la viva resisténcia dei soudats alemands permetèt l'evacuacion de milièrs de civius que poguèron s'enfugir de la region.