Abadiá de Bon Luec : Diferéncia entre lei versions

L'anciana [[abadiá]] [[cistercian]]a de '''Bon Luec'''{{exp|[''nom de verificar'']}} fuguet la mai bela e la mai vasta de l'actuau departament de Cruesa. Sese tròba a [[Peirat la Noniera]], en [[Lemosin (Occitània)|Lemosin]], dins l'actuau departament de [[Cruesa (departament)|Cruesa]].

Fuguet fondada en [[1121]] au luec de Maseròlas, per daus monges venguts de l'[[Abadiá de Dalon]] en [[Peiregòrd]], sos lo govern dau benaürós Giraud de Salles (o de Salis), fondator de nombrosas abadiás dins lo sud-oest de [[França]]. Fuguet consacrada lo [[26 d'octòbre]] de [[1141]] per Guy du Cluseau, [[evesque]] de [[Lemòtges]], que li balhet lo nom de {{Cita|Bonum Locum}}, Bon Luec, amor de la via bona daus prumiers religiós. Los senhors locaus fagueren beucòp de dons a l'abadiá, sensiblament daus terrens. Aitau, l'abadiá comptava 17 bòrias o granjas. Fuguet restachada coma sa maire a l'[[Òrdre de Cisteu]] en [[1162]].

Fuguet saquejada per los anglés durant la [[Guèrra de Cent Ans|Guerra de Cent Ans]] e per los uganauds durant las Guerras de Religion en França, puei destrucha a la [[Revolucion Francesa|Revolucion]] avans d'èsser venduda en [[1791]].

* lo [[segle XII]] que veguet la construccion de l'[[egleisa (edifici)|egleisa]] abadiala;

* lo [[segle XV]] ente fuguet bastit lo [[donjon]] dessós de l'entrada de l'egleisa (caracteristic de l'[[arquitectura]] [[Marcha (Lemosin)|marchesa]] dau vesinatge - chasteus de ''Villemonteix'', de la ''Chezotte'', de ''Saint-Maixent'', dau Mazeau{{exp|[''lors noms en occitan?Mazeau'']}}), en mai de la lòtja de l'abat (pasmens beucòp remanejada au [[segle XVIII]]),;

* lo [[segle XVII]] que veguet lola construccion de la bastissa principala.

Auei, se serva un [[donjon]] carrat que marca l'entrada de l'[[abadiá]], la bastissa conventuala, lo chabeç de l'egleisa e son transepte nòrd, transformat au [[segle XIX]] en chapela au cors de 'na restauracion.