|
}}
<!-- Article redigit en lemosin -->
L'[[abadiá]] benedictina daus '''[[Alòdi]]s''' se tròba en [[Lemosin (Occitània)|Lemosin]], dins lo [[Departamentdepartament francés|departament]] de [[Nauta Vinhana]].
Fuguet fondada a [[la Janestosa]] vers [[960]], sos la regla de [[Sant Agustin]], eissida d'un [[priorat]] de religiosas somés au superior de 'na comunautat de chanonges regulars, e l'abadessa deviá obediéncia aus chanonges d'[[Aurèlh]].
La regla de Sant Beneset, adoptada au [[segle XII]] o au començament dau [[segle XIII]], era seguda alternativament de la de [[Sant Agustin]].
En [[1503]], i aviá 123 religiosas. Lo [[6 de mai]] de [[1506]], au nom dau grand prior de [[Clunhic]], un monge de l'[[Abadiá de Sant Peire de Brantòsme]] i anet far visita. Totjorn au nom dau grand prior de Clunhic, agueren puei la visita dau prior d'Aurèlh.
'Quilha [[abadiá]] aviá totjorn servat l'independéncia juscanta [[1653]] quand l'[[evesque]] de Lemòtges demandet son agregacion a Clunhic, qu'enviet un comissari lo [[20 d'aost]] de [[1653]].
Las monjas segueren la regla de [[Sant Agustin]] juscanta [[1810]].
Cinc [[priorat]]spriorats dependián de l'Abadiá daus Alòdis:
*Sant Blasi de la Bolònia o Montagut lo Negre a [[Comprenhac (Nauta Vinhana)|Comprenhac]]
*Santa Anna de Fogerat a [[Bussiera-Dunés]]
*Santa Maria Magdalena dau Petit Valés a [[Rosiers]], pròche [[Mas Leu]]
*La Bolonia a [[la Janestosa]]
*Nativitat de Sant Joan Baptista de la Rònza a [['Rena]]
En [[1750]], fugueren transferidas a [[Lemòtges]] e se restacheren a las Urbanistas de Santa Clara, sonadas las grandas claras de Lemòtges, dins lor convent entre la plaça de la ciutat e la [[Catedrala de Sant Estève de Limòtges|Catedrala de LimòtgesSant Estève]].
En [[1790]], lo convent de las Ursulinas brulet dins lo grand incendi de Limòtges, doncas se prepauset de las alotjar au convent daus Alòdis en las unissent mas 'quilh projecte chapitet pas.
L'ensems de las bastissas formava un qüadrilater qu'un de sos costats era l'[[Egleisaegleisa (edifici)|egleisa]] abadiala destrucha a la [[Revolucion Francesa|Revolucion]] en [[1793]]. 'Quilha egleisa de Sant Genest se trobava a l'emplaçament actuau daus numeros 2 a 4 de la [[charriera]] daus Alòdis. Mesurava {{unitat|16.5|m}} de longor e {{unitat|11.5|m}} de larjor.
La lòtja abadiala formava un autre costat e i son adorsadas 'nas [[clastras]] que pòrtan inscricha la data de [[1687]].
En [[1806]], monsenhor Dubourg tornar crompet la resta de las bastissas conventualas per i alotjar los preires de sant Sulpici directors dau seminari.
{{Portal|arquitectura|Lemosin}}
| 